ଭୋପାଳ: ମଧ୍ୟପ୍ରଦେଶରେ ସ୍କୁଲ ପିଲାଙ୍କୁ ମଧ୍ୟାହ୍ନ ଭୋଜନରେ ଅଣ୍ଡା ବଦଳରେ ଦିଆଯିବ କ୍ଷୀର । ମୁଖ୍ୟମନ୍ତ୍ରୀ ଶିବରାଜ ସିଂହଙ୍କ ଅଧ୍ୟକ୍ଷତାରେ ଅନୁଷ୍ଠିତ ପ୍ରଥମ ଗୋ-କ୍ୟାବିନେଟ୍ ବୈଠକରେ ଏ ସମ୍ପର୍କରେ ନିଷ୍ପତ୍ତି ନିଆଯାଇଛି । ଏହା ସହ ରାଜ୍ୟରେ ୨୦୦୦ ନୂଆ ଗୋ ଆଶ୍ରମ ଖୋଲାଯିବାକୁ ମଧ୍ୟ ଆଲୋଚନା କରାଯାଇଛି ।
ସାଲାରିଆର ଅଗର-ମାଲୱା ଗୋ-ଅଭୟାରଣ୍ୟରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଯୋଗଦେବା ଅବସରରେ ଶ୍ରୀ ସିଂହ ବିଧିବଦ୍ଧ ଭାବରେ ଏହି ନିଷ୍ପତ୍ତି ଘୋଷଣା କରିଛନ୍ତି । ରାଜ୍ୟ ପୁଷ୍ଟିହୀନ ପିଲାମାନଙ୍କୁ ଅଣ୍ଡା ବଦଳରେ ଗାଈ କ୍ଷୀର ଦେବାକୁ ସରକାର ପଦକ୍ଷେପ ନେଉଛନ୍ତି ବୋଲି ସେ କହିଛନ୍ତି । ମୁଖ୍ୟମନ୍ତ୍ରୀ ଶ୍ରୀ ସିଂହକହିଛନ୍ତି ଯେ ସ୍ୱାସ୍ଥ୍ୟ ଦୃଷ୍ଟିରୁ ଗାଈର ଗୋବର ଉପଯୋଗୀ ଓ ଗୋ ମୂତ୍ରକୁ କୀଟନାଶକ ଭାବରେ ବ୍ୟବହାର କରାଯାଇ ପାରିବ । ଏହି ଉତ୍ପାଦଗୁଡ଼ିକୁ ପ୍ରୋତ୍ସାହିତ କରିବାକୁ ସରକାରଙ୍କ ପ୍ରତିବଦ୍ଧତାକୁ ଶ୍ରୀ ସିଂହ ଦେହରାଇଛନ୍ତି । ,
ସେ କହିଛନ୍ତି ଯେ ଗୋଶାଳାଗୁଡ଼ିକ ଆର୍ଥିକ ଦୃଷ୍ଟିରୁ ଆତ୍ମନିର୍ଭରଶୀଳ ହେବା ଏବଂ ମଧ୍ୟପ୍ରଦେଶ ମଧ୍ୟ ଆତ୍ମନିର୍ଭରଶୀଳ ହେବା ଆବଶ୍ୟକ। ଆମେ ସ୍ଥିର କରିଛୁ ଯେ ଅଧିକ ପୁଷ୍ଟିହୀନ ପିଲାମାନଙ୍କୁ ଅଣ୍ଡା ବଦଳରେ ଗାଇ କ୍ଷୀର ଯୋଗାଇବ । ସେହିପରି ସ୍ଥାନୀୟ ଓ ଦେଶୀ ଗାଈଙ୍କ ସଂରକ୍ଷଣ ସହ ଗବେଷଣା ଲାଗି ଗୋ ବିଜ୍ଞାନ କେନ୍ଦ୍ର ସ୍ଥାପନ ଉପରେ ସେ ଗୁରୁତ୍ବ ଦେଇଛନ୍ତି ।
