ନୂଆଦିଲ୍ଲୀ: ଦ୍ୱାଦଶ ଶତାବ୍ଦିରେ ନିର୍ମୀତ ଭାରତର ପ୍ରସିଦ୍ଧ ଐତିହାସିକ ସ୍ଥଳ କୁତବମିନାର ସୁନ୍ଦର ଏଲିଡି ଆଲୋକମାଳାରେ ଝଲସି ଉଠିଛି। ଶନିବାର କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ରାଷ୍ଟ୍ରମନ୍ତ୍ରୀ ପ୍ରହ୍ଲାଦ ସିଂହ ପଟେଲ କୁତବମିନାରର ଆଲୋକୀକରଣ ବ୍ୟବସ୍ଥାର ଉଦଘାଟନ କରିଛନ୍ତି। ଏଲିଡି ଆଲୋକମାଳାରେ ଝଲସୁଥିବା ଏହି ପ୍ରସିଦ୍ଧ ଐତିହାସିକ ସ୍ଥଳ ଏଣିକି ସୂର୍ଯ୍ୟାସ୍ତ ପରେ ମଧ୍ୟ ପର୍ଯ୍ୟଟକଙ୍କୁ ଆକର୍ଷିତ କରିବ। କୁତବମିନାରକୁ ଆଲୋକିକରଣ କରିବାପାଇଁ ଆଧୁନିକ ବୈଷୟିକଜ୍ଞାନ କୈଶଳରେ ବିକଶିତ ୩୫୮ ଏଲିଡି ଲାଇଟ ବ୍ୟବହାର କରାଯାଇଛି। ଏହି ଏଲିଡି ଲାଇଟ ସାଧାରଣ ଏଲିଡି ଲାଇଟ ଠାରୁ ୬୨ ଶତକଡା କମ୍ ବିଦ୍ୟୁତଶକ୍ତିରେ ଉଜ୍ଜଳ ଆଲୋକ ପ୍ରଦାନ କରିବ। ଏହି ଏଲିଡି ଲାଇଟ ସଂନ୍ଧ୍ୟା ୭ ଟାରୁ ରାତି ୧୧ ଟା ଯାଏଁ କୁତବମିନାରକୁ ଆଲୋକିତ କରିବ।
Comments are closed.