କୁଆଁପାଳ: କଟକ ଜିଲା ମାହାଙ୍ଗା ବ୍ଲକ ଅଞ୍ଚଳରେ କାଳବୈଶାଖୀ ପ୍ରଭାବରେ ପ୍ରବଳ ବେଗରେ ପବନ ବହିବା ସାଙ୍ଗକୁ ଘଡଘଡି ସହ ବର୍ଷା ଓ ପ୍ରବଳ କୁଆପଥର ବୃଷ୍ଟି ହୋଇଛି। ପ୍ରାୟ ଅଧଘଣ୍ଟା ଧରି କୁଆପଥର ବୃଷ୍ଟି ହେବାରୁ ଲୋକମାନେ ଭୟ ଭିତ ହୋଇଯାଇଥିଲେ। ବଡ଼ ଆକାରର କୁଆପଥର ବୃଷ୍ଟି ହେବା ଫଳରେ ଘର ଆଜବେଷ୍ଟସ ଭାଙ୍ଗିଯିବା ସହ ପନିପରିବା, ମୁଗ, ବିରି, ଡାଲି ଜାତୀୟ ଫସଲ ବ୍ୟାପକ ନଷ୍ଟ ହୋଇଛି।
ଚାଳ ଛପର ଘର ପବନରେ ଉଡାଇ ନେଇଥିବାବେଳେ କୁଆପଥର ବୃଷ୍ଟି ସମୟରେ ଯାନବାହନ ଆଦିର କାଚ ନଷ୍ଟ ହୋଇଯାଇଛି। ହଜାର ହଜାର ହେକ୍ଟର ମୁଗ ବିରି ଫସଲ ସହ ସଜନା, ଆମ୍ବ, ବାଇଗଣ, ବିଲାତି ବାଇଗଣ, କଲରା, ପୋଟଳ ଆଦି ପନିପରିବା ଚାଷ ନଷ୍ଟ ହୋଇଛି। ହଠାତ କୁଆପଥର ବୃଦ୍ଧି ହେବାରୁ କିଛି ପଥଚାରୀ ମଧ୍ୟ ଆହତ ହୋଇଥିବା ଜଣାଯାଇଛି।
Comments are closed.