ତିରୁଭନନ୍ତପୁରମ : କରୋନା ମୁକାବିଲା ପାଇଁ ଅର୍ଥ ଆବଶ୍ୟକତା ଦୃଷ୍ଟିରୁ କେରଳ ସରକାର କର୍ମଚାରୀଙ୍କ ଦରମା ହ୍ରାସ କରିବାକୁ ଅଧ୍ୟାଦେଶ ଆଣିବେ । କର୍ମଚାରୀଙ୍କ ଦରମା ହ୍ରାସ ନିଷ୍ପତି ଉପରେ ହାଇକୋର୍ଟ ପ୍ରତିବନ୍ଧକ ଲଗାଇଥିବାରୁ ସରକାର ଏଭଳି ପଦକ୍ଷେପ ନେଉଥିବା ଜଣାପଡିଛି।
ମିଳିଥିବା ସୂଚନା ଅନୁଯାୟୀ କରୋନା ମୁକାବିଲା ପାଇଁ ରାଜ୍ୟରେ ଅର୍ଥର ଆବଶ୍ୟକତା ରହିଛି। ସେଥିପାଇଁ କର୍ମଚାରୀଙ୍କ ଦରମା କାଟିବାକୁ ସରକାର ନିଷ୍ପତି ନେଇଥିଲେ । କିନ୍ତୁ ଏହା ଉପରେ କେରଳ ହାଇକୋର୍ଟ ରହିତାଦେଶ ଜାରି କରିଛନ୍ତି । ଏହାକୁ ଦୃଷ୍ଟିରେ ରଖି ସରକାର ଏ ସଂପର୍କରେ ଅଧ୍ୟାଦେଶ ଆଣିବାକୁ ନିଷ୍ପତି ନେଇଛନ୍ତି । ଏ ନେଇ କ୍ୟାବିନେଟରେ ହୋଇଥିବା ନିଷ୍ପତି ସଂପର୍କରେ ସୂଚନା ଦେଇଛନ୍ତି ଅର୍ଥମନ୍ତ୍ରୀ ଟି ଏମ ଥୋମସ ଆଇଜାକ। ଅଧ୍ୟାଦେଶ ବଳରେ ରାଜ୍ୟ ସରକାର କର୍ମଚାରୀଙ୍କ ଦରମାର ୨୫ ପ୍ରତିଶତ ବିପର୍ଯ୍ୟୟ ପରିସ୍ଥିତିରେ କାଟିପାରିବେ ।
- Advertisement -
