କେନ୍ଦୁଝରଗଡ଼ : ନିଖିଳ ଓଡିଶା ଲେଡି ମେଟ୍ରୋନ ମହାସଂଘ କେନ୍ଦୁଝର ଶାଖାର କାର୍ଯ୍ୟକାରୀ କମିଟି ବୈଠକ କାର୍ଯ୍ୟକାରୀ ସଭାପତି ଉର୍ମିଳା ଦେହୁରୀଙ୍କ ଅଧ୍ୟକ୍ଷତାରେ ଗୁରୁବାର ଜିଲାପାଳଙ୍କ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। ରାଜ୍ୟ ସରକାରୀ କର୍ମଚାରୀ ସମନ୍ୱୟ ସମିତି ଆନୁକୂଲ୍ୟରେ ଲେଡି ମେଟ୍ରୋନ ମାନଙ୍କର ୧୦ଦଫା ଦାବି ପୂରଣ ନିମନ୍ତେ ଗତ ଡିସେମ୍ବର ୨୭ ତାରିଖରୁ ଆନ୍ଦୋଳନକୁ ଓହ୍ଲାଇଥିବା ବେଳେ ରାଜ୍ୟ ସରକାର ଦାବି ପୂରଣ ନେଇ କୌଣସି ପଦକ୍ଷେପ ଗ୍ରହଣ କରୁନଥିବାରୁ ବୈଠକରେ କ୍ଷୋଭ ପ୍ରକାଶ ପାଇଥିଲା। ଓଡିଶା ସରକାରୀ କର୍ମଚାରୀ ସମନ୍ୱୟ ସମିତି ରାଜ୍ୟ ଉପସଭାପତି ପ୍ରଶାନ୍ତ ମହାନ୍ତି ଓ ସମ୍ପାଦକ ସୁଜିତ କୁମାର ନାୟକ, ଉପସଭାପତି ଝରଣା ମହାନ୍ତ ଏବଂ ଅନ୍ୟ ଜିଲାମାନଙ୍କର ପ୍ରମୁଖ କାର୍ଯ୍ୟକର୍ତ୍ତା ସରକାରଙ୍କ ଡାକରା ପାଇ ବିଭାଗୀୟ ଅତିରିକ୍ତ ସଚିବଙ୍କ ମେଟ୍ରୋନ ମାନଙ୍କ ୧୦ଦଫା ଦାବି ସମ୍ପର୍କରେ ପୁଙ୍ଖାନୁପୁଙ୍ଖ ଆଲୋଚନା କରିବା ସହ ତୁରନ୍ତ ଦାବି ପୁରଣ କରିବାକୁ ସ୍ମାରକପତ୍ର ପ୍ରଦାନ କରିଥିଲେ। ୧୦ଦଫା ଦାବି ମଧ୍ୟରୁ ବର୍ତ୍ତମାନ ସୁଦ୍ଧା ମାତ୍ର ଗୋଟିଏ ଦାବି ପୁରଣ ହୋଇଥିବା ବେଳେ ଅନ୍ୟ ଦାବି ତୁରନ୍ତ ପୁରଣ ନହେଲେ ଆସନ୍ତା ଜୁନ ପ୍ରଥମ ସପ୍ତାହରେ ପୁଣିଥରେ ମହାସଂଘ ଆନ୍ଦୋଳନକୁ ଓହ୍ଲାଇବ ବୋଲି ବୈଠକରେ ନିଷ୍ପତ୍ତି ଗ୍ରହଣ କରାଯାଇଛି। ମହାସଂଘର ରାଜ୍ୟ ଉପସଭାପତି ଝରଣା ମହାନ୍ତ, ଯୁଗ୍ମ ସମ୍ପାଦିକା ପୁଷ୍ପଲତା ମହାନ୍ତ ପ୍ରମୁଖ ଏହି ବୈଠକରେ ଯୋଗଦେଇ ୧୦ଦଫା ଦାବି ତୁରନ୍ତ ପୁରଣ କରାନଗଲେ ବାଧ୍ୟ ହୋଇ ପୁଣିଥରେ ଆନ୍ଦୋଳନକୁ ଓହ୍ଲାଇବୁ ବୋଲି ଚେତାବନୀ ଦେଇଛନ୍ତି।
Popular Categories
Previous article
Next article