କାମାକ୍ଷାନଗର: ପରଜଙ୍ଗ ଥାନା ଅନ୍ତର୍ଗତ ଚାନ୍ଦପୁର ଗ୍ରାମର ଜଣେ ମହିଳାଙ୍କର ମୃତ୍ୟୁ ହୋଇଥିବା ବେଳେ ବାପଘର ପକ୍ଷରୁ ହତ୍ୟା ଅଭିଯୋଗ କରାଯାଇଛି। ପରଜଙ୍ଗ ଥାନା ଅନ୍ତର୍ଗତ କନ୍ତୋର ପଞ୍ଚାୟତର ଚାନ୍ଦପୁର ଗ୍ରାମର ରାହାସ ସାହୁଙ୍କ ପତ୍ନୀ ଶାନ୍ତିଲତାଙ୍କର ମୃତ୍ୟୁ ହୋଇଛି।
ଖବର ପାଇ ବସୁଲେଇ ଗ୍ରାମର ଜମିଡ଼ିହ ସାହିର କମାର ସାହୁ ଘଟଣା ସ୍ଥଳରେ ପହଞ୍ଚି ତାଙ୍କ ଭଉଣୀ ଶାନ୍ତିଙ୍କୁ ଭିଣୋଇ ରାହାସ ଓ ତାଙ୍କ ପୁଅ ମିଶି ମାରିଦେବା ପରେ ଏକ ଦୌଡ଼ିରେ ଟାଙ୍ଗୀ ଦେଇଥିବାର ଜାଣି ଏ ସଂକ୍ରାନ୍ତରେ ଥାନାରେ ଲିଖିତ ଏତେଲା ଦେଇଛନ୍ତି। ଏହି ଏତେଲାକୁ ଭିତ୍ତି କରି ପୁଲିସ ତଦନ୍ତ କ୍ରମରେ ଶାନ୍ତିଙ୍କ ମୃତ ଦେହ ଜବତ ପରେ ବ୍ୟବଛେଦର ବ୍ୟବସ୍ଥା କରିଛି । ଶାନ୍ତିଙ୍କର ମୃତ୍ୟୁର ରହସ୍ୟ ବ୍ୟବଛେଦ ରିପୋର୍ଟ ରୁ ଜଣାଯିବ ବୋଲି ପୁଲିସ ପ୍ରକାଶ କରିଛି।
Comments are closed.