ଜାମ୍ମୁ-କାଶ୍ମୀର: କାଶ୍ମୀରରେ ଥମୁନି ପ୍ରବାସୀ ଶ୍ରମିକଙ୍କ ଉପରେ ହିଂସାକାଣ୍ଡ । ସୋପିଆନରେ ପୁଣି ପ୍ରାବସୀ ଶ୍ରମିକଙ୍କ ଉପରେ ଆତଙ୍କବାଦୀ ମାନେ ଆକ୍ରମଣ କରିଛନ୍ତି । ଫଳରେ ଦୁଇଜଣ ଶ୍ରମିକ ଆହତ ହୋଇଥିବା ଖବର ମିଳିଛି । ମାତ୍ର ୨୪ଘଣ୍ଟା ମଧ୍ୟରେ ପ୍ରବାସୀ ଶ୍ରମିକ ମାନଙ୍କ ଉପରେ ୩ଥର ଆକ୍ରମଣ ହୋଇଥିବା ବେଳେ ସମ୍ପୃକ୍ତ ଅଞ୍ଚଳରେ ଆତଙ୍କ ଖେଳିଯାଇଛି । ମିଳିଥିବା ସୂଚନା ମୁତାବକ ୨ ଆହତ ଶ୍ରମିକଙ୍କ ଘର ଛତିଶଗଡ଼ର ବୋଲି ଜଣାପଡ଼ିଛି ।
ଏହା ପୂର୍ବରୁ ଆତଙ୍କବାଦୀ ମାନେ ଦୁଇ ଦୁଇ ଥର ଆକ୍ରମଣ କରିଥିଲେ । ହେଲେ ପୁଣି ତୃତୀୟ ଥର ପାଇଁ ବର୍ତ୍ତମାନ ଆତଙ୍କବାଦୀ ମାନେ ଆକ୍ରମଣ କରିଛନ୍ତି । ଯାହାଫଳରେ ୨ଜଣ ଶ୍ରମିକ ଆହତ ହେବା ସହ ନିକଟସ୍ଥ ଡାକ୍ତରଖାନାରେ ସେମାନଙ୍କ ଚିକିତ୍ସା କରାଯାଉଛି । ଏନେଇ ସୁରକ୍ଷାକର୍ମୀ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ସର୍ଚ୍ଚ ଅପରେସନ ଜାରି ରଖିଛନ୍ତି ।
Comments are closed.