ନୂଆଦିଲ୍ଲୀ: ଭାରତ ବିପକ୍ଷ ଶେଷ ୩ ଟେଷ୍ଟ ମ୍ୟାଚ ପୂର୍ବରୁ ଇଂଲଣ୍ଡ ଦଳକୁ ବଡ଼ ଧକ୍କା ଲାଗିଛି। ଦଳର ପ୍ରମୁଖ ସ୍ପିନର ଜ୍ୟାକ୍ ଲିଚ୍ ଆହତ ପାଇଁ ଅବଶିଷ୍ଟ ୩ ଟେଷ୍ଟରୁ ବାଦ୍ ପଡ଼ିଛନ୍ତି। କହୁଣୀରେ ଆଘାତ ଲାଗି ଲିଚ୍ ବାଦ୍ ପଡ଼ିଛନ୍ତି। ହାଇଦରାବାଦରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚ ସମୟରେ ଲିଚ୍ ଆହତ ହୋଇଥିଲେ। ତାଙ୍କ କହୁଣୀରେ ଆଘାତ ଲାଗିଥିଲା। ଉକ୍ତ ଟେଷ୍ଟରେ ଇଂଲଣ୍ଡ ବିଜୟୀ ହୋଇଥିଲା। ଉକ୍ତ ମ୍ୟାଚରେ ଲିଚ୍ ହାଇଦରାବାଦ ଟେଷ୍ଟରେ ଦୁଇଟି ୱିକେଟ ନେଇଥିଲେ। ଆହତ ପାଇଁ ଲିଚ୍ ବିଶାଖାପାଟଣାରେ ଖେଳାଯାଇଥିବା ଦ୍ବିତୀୟ ଟେଷ୍ଟ ଖେଳିନଥିଲେ। ସମ୍ପୂର୍ଣ୍ଣ ସୁସ୍ଥ ହୋଇନଥିବାରୁ ସେ ଅବଶିଷ୍ଟ ୩ ଟେଷ୍ଟ ମ୍ୟାଚ ଖେଳିପାରିବେ ନାହିଁ ବୋଲି ଇଂଲଣ୍ଡ ୱେଲ୍ସ କ୍ରିକେଟ ବୋର୍ଡ ପକ୍ଷରୁ କୁହାଯାଇଛି। ଲିଚ୍ ଆବୁଧାବି ଦେଇ ଇଂଲଣ୍ଡ ଫେରିଯିବେ। ସମରସେଟ୍ ମେଡ଼ିକାଲ ଦଳ ନିକଟରେ ଚିକିତ୍ସିତ ହେବେ। ତାଙ୍କ ବଦଳ ଖେଳାଳିଭାବେ କାହାରିକୁ ଦଳରେ ସାମିଲ କରାଯିବ ନାହିଁ ବୋଲି ଇସିବି ପକ୍ଷରୁ କୁହାଯାଇଛି। ୫ ମ୍ୟାଚ ବିଶିଷ୍ଟ ଟେଷ୍ଟ ଶୃଙ୍ଖଳା ବର୍ତ୍ତମାନ ୧-୧ ବରାବର ରହିଥିବାରୁ ୧୫ରୁ ରାଜ୍କୋଟ୍ରେ ୩ୟ ଟେଷ୍ଟ ମ୍ୟାଚ ଖେଳାଯିବ।
Popular Categories
Previous article
Next article