ଉଦୟପୁର . – ରାଜସ୍ଥାନର ଉଦୟପୁରରେ ଥିବା ଓବରେଇ ଉଦୟଭିଲାରେ ମୁକେଶ ଅମ୍ବାନୀଙ୍କ ଝିଅ ଇଶା ଅମ୍ବାନୀଙ୍କର ବିବାହ ପୂର୍ବ ଦୁଇ ଦିନ ଉତ୍ସବ ପାଳନ କରାଯିବ । ଏଥିପାଇଁ ଉଦୟଭିଲାରେ ମାନ୍ୟଗଣ୍ୟ ଓ ପ୍ରତିଷ୍ଠିତ ବ୍ୟକ୍ତିମାନଙ୍କର ଭିଡ ଲାଗିବାରେ ଲାଗିଛି । ଆମେରିକାର ଡେମୋକ୍ରାଟ ଦଳ ପୂର୍ବତନର ରାଷ୍ଟ୍ରପତି ପ୍ରାର୍ଥୀଥିବା ହିଲାରୀ କ୍ଲିଣ୍ଟନ ବି ଉଦୟପୁର ଭିଲାରେ ଏହି ଉତ୍ସବରେ ଯୋଗଦେବା ପାଇଁ ପହଞ୍ଚିଛନ୍ତି ।
ଇଶା ଅମ୍ବାନୀ ପିରାମଲ୍ ପରିବାରର ଆନନ୍ଦ ପିରାମଲ୍ଙ୍କୁ ବିବାହ କରିବେ । ଡିସେମ୍ବର ୧୨ ତାରିଖରେ ମୁମ୍ବାଇରେ ଅମ୍ବାନୀ ପରିବାରର ଥିବା ବିଶାଳ ଅଟ୍ଟାଳିକା ଆଣ୍ଟାଲିଆରେ ଏହି ଦୁଇଜଣଙ୍କର ବିବାହ ଉତ୍ସବ ଅନୁଷ୍ଠିତ ହେବ ।
