ନୂଆଦିଲ୍ଲୀ: ଚଳିତ ବର୍ଷ ଅଗଷ୍ଟରେ ଭାରତରୁ ପଣ୍ୟ ସାମଗ୍ରୀ ରପ୍ତାନି ୪୫.୧୭% ବୃଦ୍ଧିପାଇ ୩୩.୧୪ ବିଲିଅନ ହଲାର ହୋଇଛି, ଯାହା ଗତବର୍ଷ ଅଗଷ୍ଟରେ ୨୨.୮୩ ବିଲିଅନ ଡଲାର ରହିଥିଲା। ତାହାସହିତ ୨୦୧୯ ଅଗଷ୍ଟରେ ହୋଇଥିବା ରପ୍ତାନି ତୁଳନାରେ ଚଳିତ ବର୍ଷ ଅଗଷ୍ଟରେ ରପ୍ତାନି ୨୭.୫% ଅଧିକ ବୋଲି ଜଣାଯାଇଛି। କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟ ପକ୍ଷରୁ ପ୍ରକାଶିତ ତଥ୍ୟରେ କୁହାଯାଇଛି ଯେ କରୋନା ମହାମାରୀ ସଂକ୍ରମଣ ପରିସ୍ଥିତିରେ ସୁଧାର ପରିଲକ୍ଷିତ ହେଉଥିବାରୁ ବ୍ୟବସାୟିକ କାରବାରରେ ବୃଦ୍ଧି ପରିଲକ୍ଷିତ ହୋଇଛି। ଏଥିରେ କୁହାଯାଇଛି, ୨୦୨୦ ଅଗଷ୍ଟରେ ଦେଶକୁ ୩୧.୦୩ ବିଲିଅନ ଡଲାର ମୂଲ୍ୟର ପଣ୍ୟ ସାମଗ୍ରୀ ଆମଦାନୀ କରାଯାଇଥିବାବେଳେ ୨୦୨୧ ଅଗଷ୍ଟରେ ତାହା ୫୧.୪% ବୃଦ୍ଧିପାଇ ୪୭.୦୧ ବିଲିଅନ ଡଲାର ହୋଇଛି। ମୁଖ୍ୟତଃ ସୁନା ଆମଦାନୀ ହଠାତ ବୃଦ୍ଧି ପାଇବା କାରଣରୁ ମୋଟ ଆମଦାନୀ ବାବଦ ଖର୍ଚ୍ଚ ବୃଦ୍ଧିପାଇଛି ଏବଂ ଏହି କାରଣରୁ ବାଣିଜ୍ୟ ନିଅଣ୍ଟ ପରିମାଣ ଚାରିମାସ ମଧ୍ୟରେ ସର୍ବାଧିକ ସ୍ତରରେ ପହଞ୍ଚିଛି। ଚଳିତ ବର୍ଷ ଅଗଷ୍ଟରେ ବାଣିଜ୍ୟ ନିଅଣ୍ଟ ପରିମାଣ ୧୩.୮୭ ବିଲିଅନ ଡଲାର ହୋଇଛି, ଯାହା ୨୦୨୦ ଅଗଷ୍ଟରେ ୮.୨ ବିଲିଅନ ଡଲାର ରହିଥିଲା।
Comments are closed.