ଦୁବଇ- ଦୁବଇରେ ଚାଲିଥିବା ଏସିଆ କପ୍ କ୍ରିକେଟ୍ର ସୁପର ୪ ମ୍ୟାଚ ଭାରତ ସଂଘର୍ଷପୂର୍ଣ୍ଣ ଭାବେ ଜିତିଛି । ଏହି ମ୍ୟାଚ ଟାଇ ହୋଇଯାଇଥିଲା । ପରେ ସୁପର ଓଭର୍ ଖେଳାଯାଇଥିଲା ।
ସୁପର ଓଭର୍ରେ ଶ୍ରୀଲଙ୍କା ପ୍ରଥମେ ବ୍ୟାଟିଂ କରିଥିଲା। ଭାରତର ବୋଲର ଅର୍ଶଦୀପ ବେଶ୍ ଭଲ ବୋଲିଂ କରିଥିଲେ। ମାତ୍ର ଦୁଇ ରନ୍ କରି ଶ୍ରୀଲଙ୍କାର ଦୁଇ ଜଣ ବ୍ୟାଟର୍ ଆଉଟ୍ ହୋଇଯାଇଥିଲେ । ଏହାର ଜବାବ୍ରେ ଭାରତ ପ୍ରଥମ ବଲ୍ରେ ତିନି ରନ୍ ସଂଗ୍ରହ କରିଥିଲା ।
ଏସିଆ କପ୍ ସୁପର ୪ ମ୍ୟାଚର ଶ୍ରୀଲଙ୍କା ସହ ମ୍ୟାଚରେ ପ୍ରଥମେ ବ୍ୟାଟିଂ କରି ୨୦ ଓଭର୍ରେ ୫ ଓ୍ୱିକେଟ୍ ହରାଇ ଭାରତ ୨୦୨ ରନ୍ କରିଥିଲା।ଭାରତର ଓପନିଂ ବ୍ୟାଟର ଅଭିଷେକ ଶର୍ମା ସର୍ବାଧିକ ୬୧ ରନ୍ କରିଥିଲେ । ତିଳକ ବର୍ମା ୪୯ ରନ୍ ,ଅକ୍ସର ପଟେଲ୍ ୨୧ ରନ୍ କରିଥିଲେ ।
ଶ୍ରୀଲଙ୍କାର ବୋଲର୍ ଏମ୍ ଥିକସ୍ନା,ଚମିରା,ହସରଙ୍ଗା,ଶନକ୍,ଅସଲଙ୍କା ଗୋଟିଏ ଲେଖାଏଁ ଓ୍ୱିକେଟ୍ ନେଇଥିଲେ ।
ଶ୍ରୀଲଙ୍କର ଓପନିଂ ବ୍ଯାଟର ପଥୁମ ନିଶଙ୍କା ବେଶ୍ ଭଲ ଖେଳ ପ୍ରଦର୍ଶନ କରିଥିଲେ । ସେ ୫୨ ବଲ୍ରେ ନିଜର ଶତକ ପୂରଣ କରିଥିଲେ । କୁଶଲ୍ ପରେରା ମଧ୍ୟ ଭଲ ଖେଳ ପ୍ରଦର୍ଶନ କରି ୩୨ଟି ବଲ୍ରେ ୫୮ ରନ୍କରିଥିଲେ।
ହାର୍ଦ୍ଦିକ ପାଣ୍ଡ୍ୟା, ଅର୍ଶଦୀପ ସିଂ, କୁଲଦୀପ ଯାଦବ ଏବଂ ବରୁଣ ଚକ୍ରବର୍ତୀ ଓ ହର୍ଷିତ ରାଣା ଗୋଟିଏ ଲେଖାଏଁ ଓ୍ୱିକେଟ୍ ଅକ୍ତିଆର କରିଥିଲେ ।
