ଆୟ କର ସୀମା ଅପରିବର୍ତ୍ତିତ

କେନ୍ଦ୍ର ସରକାର ଚଳିତ ବଜେଟରେ ଆୟକର ଦାତାଙ୍କ ପାଇଁ ବିଶେଷ ସୁଯୋଗ ସୃଷ୍ଟି କରି ନାହାନ୍ତି। ଏବେ ବି ୨.୫ ଲକ୍ଷ ଟଙ୍କା ପର୍ଯ୍ୟନ୍ତ ଆପଣଙ୍କୁ ଆୟକର ରିଆତି ମିଳୁଛି। ଯେପରି କର ଦେବା ପ୍ରକ୍ରିୟା ପୂର୍ବ ବର୍ଷ ଥିଲା ଏହାକୁ ଅପରିବର୍ତ୍ତିତ ରଖାଯାଇଛି। ଗତ ବର୍ଷ ପରି ଆପଣ ସେହି ବ୍ୟବସ୍ଥାରେ ଟିକସ ଭରି ପାରିବେ। ତେବେ ଟିକସ ଟ୍ରାଞ୍ଜାକ୍ସନ ବ୍ୟବସ୍ଥାରେ କିଛିଟା ପରିବର୍ତ୍ତନ କରାଯାଇଛି। ଏହି ଅନୁଯାୟୀ ଆପଣ ଗତ ଦୁଇ ବର୍ଷର ଆୟକର ରିଟର୍ଣ୍ଣ ଅପଡେଟ କରିପାରିବେ। ଚଳିତ ବଜେଟରେ ଟିକସ ଢାଞ୍ଚାକୁ ପରିବର୍ତ୍ତନ କରାଯାଇ ନାହିଁ। ଟିକସ ବ୍ୟବସ୍ଥାରେ ବାର୍ଷିକ ୨.୫ ଲକ୍ଷ ଟଙ୍କା ପର୍ଯ୍ୟନ୍ତ ପୂର୍ବ ପରି ଛାଡ଼ କରାଯାଇଛି। ଯଦି ଆପଣଙ୍କ ଆୟ ୨.୫ ରୁ ୫ ଲକ୍ଷ ମଧ୍ୟରେ ତେବେ ୨.୫ ଲକ୍ଷ ଟଙ୍କା ଉପରେ ୫ ପ୍ରତିଶତ ଆୟ କର ପଇଠ କରିବେ। ଆୟକର ନିୟମ ସେକସନ୍‌ ୮୭(ଏ) ଅନୁଯାୟୀ ଆପଣ ୫ଲକ୍ଷ ପର୍ଷ୍ୟନ୍ତ ବାର୍ଷିକ ଆୟ ଉପରୁ ଟିକସ ଛାଡ଼ କରିପାରିବେ। ରାଜ୍ୟ ସରକାର କର୍ମଚାରୀ ଜାତୀୟ ପେନସନ ଯୋଜନାରେ ୧୪ ପ୍ରତିଶତ ଟିକସରେ ରିଆତି ପାଇବେ।