ପାଟନା: ବିହାରର ଜଣେ ବାଳକ ଏକ ବିରଳ ଟ୍ୟୁମର ରୋଗରେ ପୀଡିତ ହୋଇଥିଲେ। ତାଙ୍କ ମୁହଁର ତଳ ଦୁଇପଟେ ଏହି ଟ୍ୟୁମର ବଢିବାରେ ଲାଗିଥିଲା। ଶେଷରେ ଡାକ୍ତରମାନେ ଉକ୍ତ ଟ୍ୟୁମର ଅସ୍ତ୍ରୋପଚାର କରି ସେଠାରୁ ୮୨ଟି ଦାନ୍ତ ବାହାର କରିଛନ୍ତି। ୧୭ ବର୍ଷ ବୟସ୍କ ନିତିଶ କୁମାରଙ୍କ ଠାରେ ଏହି ଅସ୍ତ୍ରୋପଚାର ସଫଳତାର ସହିତ କରାଯାଇଛି।
ଜଣାଯାଇଛି ଯେ ନିତିଶ ବିରଳ ତଥା ଜଟିଳ ଓଡୋନଟୋମାରେ ଆକ୍ରାନ୍ତ ହୋଇଥିଲେ। ଏହା ମାଢିର ଏକ ବିରଳ ଟ୍ୟୁମର ରୋଗ। ଗତ ପାଞ୍ଚବର୍ଷ ଧରି ସେ ଏଥିରେ ଆକ୍ରାନ୍ତ ହୋଇ ଅନେକ ଚିକିତ୍ସା କରାଇଥିଲେ। କିନ୍ତୁ କିଛି ସୁଫଳ ମିଳିବାରୁ ସେ ବିଶେଷଜ୍ଞ ଡାକ୍ତରଙ୍କୁ ଦେଖାଇଥିଲେ। ତାହା ପରୀକ୍ଷା ନିରୀକ୍ଷା କରିବା ପରେ ଟ୍ୟୁମର ଭିତରେ ଦାନ୍ତଭଳି କିଛି ପତାର୍ଥ ରହିଥିବା ଜଣାପଡିଲା ଏବଂ ଡାକ୍ତରମାନେ ତାଙ୍କୁ ଅସ୍ତ୍ରୋପଚାର ପାଇଁ ପରାମର୍ଶ ଦେଇଥିଲେ। ଦୀର୍ଘ ତିନିଘଣ୍ଟା ଅସ୍ତ୍ରୋପଚାର କରାଯିବା ପରେ ଉକ୍ତ ଟ୍ୟୁମର ଭିତରୁ ୮୨ଟି ଦାନ୍ତ ବାହାରିଥିଲା।
ବିହାର ନାବାଳକଙ୍କ ବିରଳ ଟ୍ୟୁମର ଅସ୍ତ୍ରୋପଚାର; ମାଢିରୁ ବାହାରିଲା ୮୨ ଦାନ୍ତ
Popular Categories
Previous article
Next article