ବଲାଙ୍ଗିର: ସହରର କରଙ୍ଗାକଟା ବନ୍ଧ ଆଡିରେ ଥିବା ହୋଟେଲ୍ ଭ୍ରମରର ପଛପଟ ରାସ୍ତାକୁ ଗୁରୁବାର ପୌର ପ୍ରଶାସନ ସିଲ୍ କରିଛି। ସୂଚନା ଅନୁସାରେ, ହୋଟେଲ୍କୁ ଆସୁଥିବା ଯାନବାହାନ ପଛପଟେ ଥିବା ବନ୍ଧ ଆଡିରେ ପାର୍କିଂ କରୁଥିଲେ। ଫଳରେ ଚାଲିଥିବା ସୌନ୍ଦର୍ଯ୍ୟକରଣ କାମରେ ବାଧା ସୃଷ୍ଟି ହେଉଥିଲା। ଜିଲାପାଳ ଚଞ୍ଚଳ ରାଣା ଗୁରୁବାର କରଙ୍ଗାକଟା ଓ ରାଣୀ ବନ୍ଧରେ ଚାଲିଥିବା ସୌନ୍ଦର୍ଯ୍ୟକରଣ କାର୍ଯ୍ୟ ପରିଦର୍ଶନ କରିଥିଲେ। ଆସନ୍ତା ୬ମାସ ମଧ୍ୟରେ ସହରର ୨ଟି ବନ୍ଧର ପୁନରୁଦ୍ଧାର ଓ ସୌନ୍ଦର୍ଯ୍ୟକରଣ କରାଯିବ ବୋଲି ଜିଲାପାଳ ଶ୍ରୀ ରାଣା କହିଥିଲେ। ସହରାଞ୍ଚଳ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ସୁଦର୍ଶନ ସାଏ ଓ ବଲାଙ୍ଗିର ପୌର ନିର୍ବାହୀ ଅଧିକାରୀ ସାମୀ ଜୟଶ୍ରୀ ରେଡ୍ଡି ପ୍ରମୁଖ ଉପସ୍ଥିତ ଥିଲେ। ପରେ ପୌର ପ୍ରଶାସନ ପକ୍ଷରୁ ନିର୍ବାହୀ ଅଧିକାରୀଙ୍କ ଉପସ୍ଥିତିରେ ହୋଟେଲ ପଛପଟ ବାଟକୁ ପାଚେରୀ ଦେଇ ବନ୍ଦ କରି ଦିଆଯାଇଛି।
Comments are closed.