ମହୁ ସ୍ୱାସ୍ଥ୍ୟ ପାଇଁ ଖୁବ ଉପକାରୀ ବୋଲି ସଭିଏଁ ଜାଣନ୍ତି। ମାତ୍ର ଆପଣ ହୁଏତ ଜାଣିନଥିବେ ବାସ୍ତୁ ଅନୁଯାୟୀ ମଧ୍ୟ ମହୁର ଅନେକ ବିଶେଷତ୍ୱ ରହିଛି। ଗୃହରେ ମହୁ ରଖିବା ଦ୍ୱାରା ବହୁ ଲାଭ ମିଳିଥାଏ। ଜାଣନ୍ତୁ ଏହା ବିଷୟରେ….
ଗୃହରେ ଖର୍ଚ୍ଚ କମ ହୋଇଥାଏ-
ଯଦି ଆପଣଙ୍କର ଅଯଥାରେ ଧନ ଖର୍ଚ୍ଚ ହେଉଥିବ , ଯେତେ ଚେଷ୍ଟା କଲେ ମଧ୍ୟ ଧନ ସଞ୍ଚୟ କରି ରଖିପାରୁ ନାହାନ୍ତି, ତେବେ ଏଭଳି ସମସ୍ୟରୁ ମୁକ୍ତି ପାଇବା ପାଇଁ ବାସ୍ତୁ ଶାସ୍ତ୍ର ଅନୁଯାୟୀ ଘରେ ମହୁ ରଖିବା ଉଚିତ। ମହୁରେ ଥିବା ସକରାତ୍ମକ ଶକ୍ତି ଘରର ନକରାତ୍ମକ ଶକ୍ତିକୁ ଦୂର କରିଥାଏ। ଫଳରେ ଆର୍ଥିକ ସମସ୍ୟା ଦୂର ହେବା ସହ ସ୍ୱାସ୍ଥ୍ୟ ମଧ୍ୟ ଭଲ ରହିଥାଏ।
ଶନିଙ୍କ ପ୍ରଭାବ କମ ହୋଇଥାଏ –
ଗୃହରେ ମହୁ ରଖିବା ଦ୍ୱାରା ଶନିଦେବ ଖୁସି ହୋଇଥାଆନ୍ତି। ତାଙ୍କ କୃପା ସର୍ବଦା ପରିବାର ଉପରେ ରହିଥାଏ। ଶନିଙ୍କ କୌଣସି କୁପ୍ରଭାବ ଗୃହରେ ପଡ଼ିନଥାଏ। ଜାତକରେ ଶନିଙ୍କ ସ୍ଥିତି ମଧ୍ୟ ଭଲ ରହେ।
ସନ୍ତାନଙ୍କ ସହ ଜଡ଼ିତ ସମସ୍ୟା ଦୂର ହୋଇଥାଏ –
ଶନିବାର ଦିନ ଶନିଙ୍କ ନିକଟରେ କଳା ବିରିରେ ଦହି ଓ ମହୁ ମିଶାଇ ଭୋଗ କରନ୍ତୁ। ଏପରି କରିବା ଦ୍ୱାରା ପରିବାରରେ ଶାନ୍ତି, ସନ୍ତାନ ସହ ଜଡ଼ିତ ବିଭିନ୍ନ ସମସ୍ୟା ଦୂର ହୋଇଥାଏ।
ମନ ଶାନ୍ତି ରହିଥାଏ –
ଯଦି ଆପଣଙ୍କ ମନରେ ସର୍ବଦା କୁଚିନ୍ତା ଓ ମନ ଅଶାନ୍ତ, ଗୃହରେ କଳହ ଲାଗି ରହୁଥାଏ, ତେବେ ଘରର ସମସ୍ତ ସଦସ୍ୟ କିଛି ପରିମାଣରେ ମହୁ ଖାଆନ୍ତୁ। ଏପରି କରିବା ଦ୍ୱାରା ଏହି ସମସ୍ତ ସମସ୍ୟା ଦୂର ହୋଇଥାଏ।
ସ୍ୱାସ୍ଥ୍ୟ ଉତ୍ତମ ରହିଥାଏ –
ମହୁ ସ୍ୱାସ୍ଥ୍ୟ ଉପରେ ସକରାତ୍ମକ ପ୍ରଭାବ ପକାଇଥାଏ। ଏହା ଓଜନ ହ୍ରାସ କରିବା ସହ ମୁହଁର ଚମକ ବୃଦ୍ଧି କରିଥାଏ।
ମହୁ ସହ ଜଡ଼ିତ ବାସ୍ତୁ ଟିପ୍ସ
Popular Categories
Previous article
Next article