ସମ୍ବଲପୁର: ସାରା ରାଜ୍ୟରେ ୩ ଦିନ ହେବ ଲଘୁଚାପ ଯୋଗୁ ଲାଗି ରହିଛି ପ୍ରବଳ ବର୍ଷା। ଯାହାର ପ୍ରଭାବରେ ହୀରାକୁଦ ଜଳ ଭଣ୍ଡାରର ଜଳ ସ୍ତର ସର୍ବୋଚ୍ଚ ସ୍ତରରେ ପହଞ୍ଚିଛି। ଜଳ ଭଣ୍ଡାର ମଧ୍ୟରୁ ଜଳ ନିଷ୍କାସନ କରିବା ପାଇଁ ୬ ଟି ଗେଟ୍ ଖୋଲା ଯାଇଛି। ଗୁରୁବାର ସକାଳ ୧୦ଟା ସୁଦ୍ଧା ଜଳ ଭଣ୍ଡାରର ଜଳ ସ୍ତର ୬୩୦ ଫୁଟ ରହିଛି। ଯାହାକି ହୀରାକୁଦ ଜଳଭଣ୍ଡାରର ସର୍ବୋଚ୍ଚ ସ୍ତର। ଜଳ ଭଣ୍ଡାର ମଧ୍ୟକୁ ୧,୨୦,୧୨୫ ଘନଫୁଟ ଜଳ ପ୍ରବେଶ କରୁଥିବା ବେଳେ ୧,୨୦,୧୨୫ ଘନଫୁଟ ଜଳ ୬ଟି ଗେଟ୍ ଦେଇ ଜଳ ଭଣ୍ଡାର ବାହାରକୁ ଛଡାଯାଉଛି। ଜଳଭଣ୍ଡାରର ବାମ ପଟେ ୪ଟି ଗେଟ୍ ଖୋଲା ଥିବା ବେଳେ ଡାହାଣ ପଟେ ୨ଟି ଗେଟ ଦେଇ ଜଳ ନିଷ୍କାସନ କରାଯାଉଛି।
Popular Categories
Previous article
Next article