କୋଭିଡ ନିୟମ ଅନୁପାଳନ ଓ ଶିକ୍ଷାଦାନରେ ସତର୍କତା ଅବଲମ୍ବନ ଆଲୋଚନା

ହରଭଙ୍ଗା: ହରଭଙ୍ଗା ବ୍ଲକର କମଳପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ପିତୃମାତୃ ମଞ୍ଚର ଏକ ବୈଠକ ଅନୁଷ୍ଠିତ ହୋଇଯାଇଛି। ଏହି ବୈଠକରେ କୋଭିଡ ନିୟମ ଅନୁପାଳନ ଏବଂ ବିଦ୍ୟାଳୟ ଶିକ୍ଷାଦାନରେ ସତର୍କତା ଅବଲମ୍ବନ ସମ୍ପର୍କରେ ଆଲୋଚନା କରାଯାଇଥିଲା। ଦୀର୍ଘଦିନ ଧରି ବିଦ୍ୟାଳୟ ବନ୍ଦଥିବାରୁ, ବିଦ୍ୟାଳୟ ପରିବେଶର ପୁନଃରୁଦ୍ଧାର ଏବଂ ଆବଶ୍ୟକ ମରାମତି ପାଇଁ ଆଲୋଚନା ହୋଇଥିଲା। ପ୍ରଥମରୁ ପଞ୍ଚମ ଶ୍ରେଣୀ ଏ ପର୍ଯ୍ୟନ୍ତ ଖୋଲି ନଥିବାରୁ ଛାତ୍ରଛାତ୍ରୀଙ୍କ ହିତ ଦୃଷ୍ଟିରୁ ଶିକ୍ଷକମାନେ ଗ୍ରାମର ଗୋଷ୍ଠୀ କେନ୍ଦ୍ର କିମ୍ବା ଘରେ ଯାଇ ପାଠ ପଢ଼ିବାକୁ ପ୍ରସ୍ତାବ ଦିଆଯାଇଥିଲା। ଚଳିତ ବର୍ଷର ଶିକ୍ଷଣ ଆକଳନ ଫଳାଫଳ ଉପରେ ପ୍ରଧାନଶିକ୍ଷକ ନିର୍ମଳ ରଣା ଅଭିଭାବକ ମାନଙ୍କୁ ଅବଗତ କରାଇଥିଲେ।