ହରଭଙ୍ଗା : ବୌଦ୍ଧଜିଲ୍ଲା ହରଭଙ୍ଗା ବ୍ଲକରେ କୋରୋନାସ୍ଥିତି ସଙ୍ଗୀନ ଆଡକୁ ଗତି କରୁଛି। ଦିନକୁ ଦିନ ସ୍ଥିତି ଅଣାୟତ ଆଡକୁ ଗତି କରୁଥିବାବେଳେ କୋରୋନା କଟକଣା ନିୟମକୁ ଲୋକେ ନ ମାନିବା ସଂକ୍ରମଣ ବୃଦ୍ଧିର ଅନ୍ୟ ଏକ କାରଣ ବୋଲି ମତପ୍ରକାଶ ପାଉଛି। ଲଗାତାର ସାତଦିନ ମଧ୍ୟରେ ବ୍ଲକର ବିଭିନ୍ନ ଅଂଚଳରୁ ୧୩୫ଜଣ ସଂକ୍ରମିତ ଚିହ୍ନଟ ହୋଇଛନ୍ତି।ରବିବାର ଚିହ୍ନଟ ହୋଇଥିବା ତାଲିକାରେ ବାଣୀଭୁଷଣପୁରରୁ-୦୬, ବାଇଶିପଡାରୁ-୦୬, ପୁରୁଣାକଟକ, ବୀରାମଚନ୍ଦ୍ରପୁର ଏବଂ ଝାଡ୍ରାଜିଂରୁ ଜଣେ ଲେଖାଏଁକୁ ମିଶାଇ ଆଜି ୧୫ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି। ଅନ୍ୟପଟେ କରୋନା କଟକଣା କୋହଳ ଯୋଗୁଁ ବଜାର ଘାଟରେ ଅସମ୍ଭବ ଗହଳୀଚହଳୀ ସହିତ ମାସ୍କ ଏବଂ ସାମାଜିକଦୂରତା ନିୟମକୁ ଅଧିକାଂଶ ଲୋକ ପାଳନ କରୁନଥିବା ଦେଖିବାକୁ ମିଳୁଛି। କୋହଳ କଟକଣା ପରେ ପ୍ରଶାସନ ପକ୍ଷରୁ ଅମାନିଆଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାନଯିବା ସଂକ୍ରମଣ ହାରକୁ ବୃଦ୍ଧି କରୁଛି। ପ୍ରାରମ୍ଭରୁ କଟକଣା କଡାକଡି କରାଯାଉଥିବାବେଳେ ଗମ୍ଭୀର ସମୟରେ ଅଧିକାରୀଙ୍କ ଦେଖାନମିଳିବା ଆଗକୁ ପରିସ୍ଥିତି ଜଟିଳ ହେବା ନେଇ ଆଶଙ୍କା ପ୍ରକାଶ ପାଉଛି।
Comments are closed.