ଗୁଣୁପୁର : ରାୟଗଡା ଜିଲା ଗୁଣୁପୁର ପୁଟାସିଂ ଥାନା ଅନ୍ତର୍ଗତ ମାଲାପଦର ଗ୍ରାମ ନିକଟରେ ପ୍ରବାହିତ ସାନନଦୀ (ମହେନ୍ଦ୍ର ତନୟା )ରେ ଗାଧୋଇବା ପାଇଁ ଯାଇ ଜଣେ ଯୁବକପାଣିରେ ବୁଡ଼ି ଯାଇଥିଲେ। ଯୁବକ ପାଣିରେ ବୁଡିଯାଇଥିବା ନେଇ କିଛି ଗ୍ରାମବାସୀ ଜାଣିବା ପରେ ସେଠାରେ ଅନେକ ଖୋଜାଖୋଜି କରିଥିଲେ। ଏହାପରେ ସେମାନେ ଜଣେ ଯୁବକ ସାନନଦୀରେ ବୁଡ଼ି ଯାଇଥିବା ନେଇ ଗୁଣୁପୁର ଦମକଳ ବାହିନୀକୁ ଖବର ଦେଇଥିଲେ। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ଗୁଣୁପୁର ଦମକଳ ବାହିନୀ ପକ୍ଷରୁ ସାନନଦୀରେ ବହୁ ଖୋଜାଖୋଜି କରିବା ପରେ ଯୁବକଙ୍କ ମୃତଦେହ ପାଣି ଭିତରୁ ଉଦ୍ଧାର କରିଥିଲେ।
ମୃତକ ଯୁବକ ଜଣକ ହେଲେ ମାଲାପଦର ଗ୍ରାମର ଲୋକନାଥ ଶବର ବୋଲି ଗ୍ରାମବାସୀ ପ୍ରକାଶ କରିଥିଲେ। ଖବରପାଇ ପୁଟାସିଂ ପୁଲିସ୍ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ ପରେ ତଦନ୍ତ କରିଛି। ଜବତ ମୃତଦେହକୁ ଗୁଣୁପୁର ଉପଖଣ୍ଡସ୍ତରୀୟ ସ୍ବାସ୍ଥ୍ୟକେନ୍ଦ୍ରକୁ ବ୍ୟବଛେଦ ପାଇଁ ପଠାଇଥିବା ଜଣାପଡିଛି।
Comments are closed.