ଅଜଣା ଗାଡି ଧକ୍କାରେ ମଇଁଷି ଚରାଳିଙ୍କ ମୃତ୍ୟୁ

ଗୋପାଳପୁର: ଗୋଳନ୍ଥରା ଥାନା ଅନ୍ତର୍ଗତ ଜାତୀୟ ରାଜପଥ ର କନିଷି ଗାଁ ନିକଟରେ କୌଣସି ଏକ ଅଜଣା ଗାଡି ଧକ୍କାରେ ଜଣେ ମଇଁଷି ଚରାଳିଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ହେଲେ ମନହରା ଗ୍ରାମର ସିଏଚ. ଜଗନ୍ନାଥ ପାତ୍ର ବୋଲି ପୋଲିସ ସୂଚନା ଦେଇଛି।

ପ୍ରାପ୍ତ ସୂଚନା ଅନୁଯାୟୀ, ଆଜି ଜଗନ୍ନାଥ ମଦନମୋହନପୁରର ମଇଁଷି ବ୍ୟବସାୟୀଙ୍କ କିଛି ମଇଁଷି ଧରି ଅନ୍ୟ ୨ ଜଣଙ୍କ ସହ ଚାଲି ଚାଲି ଆନ୍ଧ୍ରା ଅଭିମୁଖେ ଯାଉଥିଲେ। କନିଷି ଗାଁ ନିକଟରେ କୌଣସି ଏକ ଅଜଣା ଗାଡି ତାଙ୍କୁ ପଛପଟୁ ଧକ୍କା ଦେଇ ଚାଲିଯାଇଥିଲା। ଫଳରେ ତାଙ୍କ ମୁଣ୍ଡଟି ସମ୍ପୂର୍ଣ ନଷ୍ଟ ହୋଇଯାଇ ଘଟଣା ସ୍ଥଳରେ ହିଁ ତାଙ୍କ ମୃତ୍ୟୁ ଘଟିଥିଲା। ଖବର ପାଇ ଗୋଳନ୍ଥରା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇଁ ପଠାଇ ଥିଲା। ଏ ନେଇ ଗୋଳନ୍ଥରା ଥାନା କେଶ ନଂ ୨୪୪/୨୩ ରେ ଏକ ଦୁର୍ଘଟଣା ମାମଲା ରୁଜୁ ହେବା ସହ ଘଟଣାର ତଦନ୍ତ କରାଯାଉଥିବା ଥାନାଧିକାରୀ ବିବେକାନନ୍ଦ ମହନ୍ତ ସୂଚନା ଦେଇଛନ୍ତି।