ନୂଆଦିଲ୍ଲୀ : ଟେକ୍ କମ୍ପାନୀ ଗୁଗଲ ଭାରତରେ ଆଣ୍ଡ୍ରଏଡ୍ ଉପଭୋକ୍ତାଙ୍କ ପାଇଁ ବୁଧବାର ମେ ୮ ରେ ପ୍ରାଇଭେଟ୍ ଡିଜିଟାଲ ଓ୍ବାଲେଟ୍ ଲଞ୍ଚ୍ କରିଦେଇଛି । ଏହି ଆପରେ ୟୁଜର୍ସ ଡେବିଟ୍ କାର୍ଡ, କ୍ରେଡିଟ କାର୍ଡ, ଲୟାଲ୍ଟି କାର୍ଡ, ଗିଫ୍ଟ କାର୍ଡ, ଇଭେଣ୍ଟ ଟିକେଟ୍ ଏବଂ ପାସ୍ ସମେତ ଅନ୍ୟ ଜିନିଷକୁ ଷ୍ଟୋର କରିବା ପାଇଁ ବ୍ୟବହାର କରିପାରିବେ ।
ଏହି ଆପ୍ ଗୁଗଲ ପେ ଆପଠୁ ଅଲଗା ଯାହା ପଇସା ଏବଂ ଫାଇନାନ୍ସକୁ ମ୍ୟାନେଜ କରିବାରେ ସାହାଯ୍ୟ କରେ । ଭାରତୀୟ ମାର୍କେଟରେ ନିଜ ଉପସ୍ଥିତି ବଢାଇବା ପାଇଁ ଗୁଗଲ ୨୦ରୁ ଅଧିକ ବ୍ରାଣ୍ଡ୍ସ ସହିତ ପାର୍ଟନରସିପ୍ କରିଛି । ଏଥିରେ ପିଭିଆର୍ ଏବଂ ଆଇନକ୍ସ, ଏୟାର ଇଣ୍ଡିଆ, ଇଣ୍ଡିଗୋ, ଫ୍ଲିପକାର୍ଟ, ପାଇନ ଲାବ୍ସ, କୋଚି ମେଟ୍ରୋ ଏବଂ ଅଭିବସ୍ ସହିତ ଅନ୍ୟ ବ୍ୟବସାୟ ସାମିଲ । ଗୁଗଲ ଓ୍ବାଲେଟରେ ଉପଭୋକ୍ତା ଇ-କମର୍ସ ଓ୍ବେବସାଇଟ୍ ଫ୍ଲିପକାର୍ଟରେ ମିଳୁଥିବା ସୁପରକଏନ୍, ସପର୍ସ ଷ୍ଟପ୍ ଏବଂ ଅନ୍ୟ ବ୍ରାଣ୍ଡକୁ ଗିଫ୍ଟ କାର୍ଡ ଷ୍ଟୋର୍ କରିପାରିବେ ।
ଲୋକସଭା ନିର୍ବାଚନର ପଞ୍ଚମ ପର୍ଯ୍ୟାୟ – ନିର୍ବାଚନ ଲଢ଼ିବେ ୬୯୫ ପ୍ରାର୍ଥୀ
କହିରଖୁଛୁ ଗୁଗଲ ଓ୍ବାଲେଟ୍ ଆପ୍ଲିକେସନକୁ ସର୍ବ ପ୍ରଥମେ ୨୦୧୧ରେ କିଛି ଦେଶରେ ଲଞ୍ଚ୍ କରାଯାଇଥିଲା । ୨୦୧୮ ରେ ଆଣ୍ଡ୍ରଏଡ୍ ଆପ୍ଲିକେସନ ସହିତ ମିଶି ଗୁଗଲ ଓ୍ବାଲେଟକୁ ଗୁଗଲ ପେ ଭାବେ ପ୍ରସ୍ତୁତ କରାଯାଇଥିଲା । ୨୦୨୨ରେ ଗୁଗଲ ନିଜ ବୈଶିକ ଗୁଗଲ ପେକୁ ନାଁ ବଦଳାଇ ଗୁଗଲ ଓ୍ବାଲେଟ୍ କରିଥିଲା । ଏବେ ଏହି ଓ୍ବାଲେଟକୁ ଭାରତରେ ଲଞ୍ଚ୍ କରାଯାଇଛି ।
