ନୂଆଦିଲ୍ଲୀ : ରିୟାଜ ନାଇକୁର ମୃତ୍ୟୁ ପରେ ହିଜବୁଲ ମୁଜାହିଦ୍ଦିନର ନୂଆ କମାଣ୍ଡର ହୋଇଛି ଗାଜି ହାଇଦର । ପୂର୍ବରୁ ସେ ଜଣେ ସରକାରୀ କର୍ମଚାରୀ ଥିଲା ଓ ବିଭିନ୍ନ ସରକାରୀ ଦପ୍ତରରେ କିଛିଦିନ କାମ କରିଥିଲା । ମାତ୍ର ପରବର୍ତୀ ସମୟରେ ସେ ଆତଙ୍କବାଦୀ ସଙ୍ଗଠନରେ ଯୋଗ ଦେଇଥିଲା । ରିୟାଜ ନାଇକୁ ପ୍ରାଣ ହରାଇବା ପରେ ହିଜବୁଲ ମୁଜାହୁଦ୍ଦୀନ ଜମ୍ମୁ-କାଶ୍ମୀରରେ ଗାଜୀ ହାଇଦରକୁ ସଙ୍ଗଠନର ନୂଆ କମାଣ୍ଡର ଦାୟିତ୍ୱ ଦେଇଛି । ଗାଜୀର ପ୍ରକୃତ ନାମ ହେଉଛି ସୈଫୁଲ୍ଲାହ ମୀର । ସେ ସେ ଡାକ୍ତର ସେଫ୍ ଓ ମୁସାହିବ ନାମରେ ମଧ୍ୟ ପରିଚିତ । ଏପରିକି ସେ ପୋଲିସ ଏନକାଉଣ୍ଟରରେ ଆହତ ଆତଙ୍କବାଦୀଙ୍କ ଚିକିତ୍ସା ମଧ୍ୟ କରିଥାଏ । ଗାଜୀକୁ ମୋଷ୍ଟ୍ ଓ୍ୱାଣ୍ଟେଡ୍ ଆତଙ୍କବାଦୀ ସୟିଦ ସଲାହୁଦ୍ଦୀନର ଅତି ଘନିଷ୍ଠ ବୋଲି ବିଚାର କରାଯାଏ । ପୁଲଓ୍ନାମା, କୁଲଗାମ ଓ ସୋପିଆନ ଆଦି ଜିଲ୍ଲାରେ ତାର ବେଶ୍ ପ୍ରବେଶ ରହିଛି । ସେ ସରକାରୀ ଆଇଆଇଟିରୁ ମେଡିକାଲ କୋର୍ସ କରିଥିଲା । କିଛିଦିନ ଯାଏଁ ସେ ଶ୍ରୀନଗରର ରାଷ୍ଟ୍ରୀୟ ଇଲେକ୍ଟ୍ରୋନିକରେ ଟେକନିସିଆନ୍ ଭାବେ କାମ କରିଥିଲା । ସେ ୩ ବର୍ଷ ଯାଏଁ ଚାକିରୀ କରିଥିଲା । ଏହାପରେ ସେ ଆତଙ୍କବାଦୀ ସଙ୍ଗଠନରେ ଯୋଗ ଦେଇଥିଲା । ଏପରିକି ସେ ଦକ୍ଷିଣ କାଶ୍ମୀରରେ ଅଫିମ ବ୍ୟବସାୟ ମଧ୍ୟ ଆରମ୍ଭ କରିଥିଲା ।
Kitne Ghazi Aaye..
Kitne Ghazi Gaye…— KJS DHILLON (@Tiny_Dhillon) May 10, 2020
ଗାଜି ମୁଜାହିଦ୍ଦିନ କମାଣ୍ଡର ନିଯୁକ୍ତି ପରେ ସୁରକ୍ଷା ବାହିନୀ ତାର ଦୃଷ୍ଟି ଓ ସମସ୍ତ ନେଟୱାର୍କ ଗାଜି ପଛରେ ଲଗାଇ ଦେଇଛି । ଲେଫ୍ଟନାଣ୍ଟ ଜେନେରାଲ କେଜେଏସ୍ ଧିଲ୍ଲୋଁ ନିଜ ଟ୍ବିଟରରେ ଗାଜି ପ୍ରତି ନିଜର ଦୃଷ୍ଟିଭଙ୍ଗୀ ଆରମ୍ଭରୁ ସ୍ପଷ୍ଟ କରି ଦେଇଛନ୍ତି । କେବଳ ଦୃଷ୍ଟିଭଙ୍ଗୀ ନୁହେଁ ଖୋଲା ଚେତାବନୀ ଦେଇଛନ୍ତି – ‘କିତନେ ଗାଜି ଆୟେ… କିତନେ ଗାଜି ଗୟେ…’ । ଜେନେରାଲ ଧିଲ୍ଲୋଁ ଦୁଇମାସ ତଳେ ଶ୍ରୀନଗରରେ ୧୫ କ୍ୟାପଚର୍ସର କମାଣ୍ଡର ଥିଲେ ଯିଏ କି ଆତଙ୍କବାଦ ଦମନ କ୍ଷେତ୍ରରେ ବଡ଼ ଭୂମିକା ଗ୍ରହଣ କରିଥିଲେ ।
