ପୁଅ ବାହାଘରରେ ୧୦ ହଜାର କୋଟି ଦାନ

ସମାଜ ଡିଜିଟାଲ ଡେସ୍କ: ଉଦ୍ୟୋଗପତି ଗୌତମ ଅଦାନୀଙ୍କ ସାନ ପୁଅ ଜିତ୍‌ ଅଦାନୀ ଏବଂ ଦିଭା ଶାହ ବିବାହ ବନ୍ଧନରେ ବାନ୍ଧି ହୋଇଛନ୍ତି। ଏହି ଅବସରରେ ଗୌତମ ଅଦାନୀ ୧୦ ହଜାର କୋଟି ଟଙ୍କା ଦାନ କରିଛନ୍ତି। ଦାନ ଅର୍ଥର ବଡ଼ ଅଂଶ ସ୍ବାସ୍ଥ୍ୟ, ଶିକ୍ଷା ଏବଂ କୌଶଳ ବିକାଶ କ୍ଷେତ୍ରରେ ଖର୍ଚ୍ଚ ହେବ। ଅଦାନୀ ଗ୍ରୁପ ତରଫରୁ ଦାନ କରାଯାଇଥିବା ଏହି ଅର୍ଥ ସମାଜର ସମସ୍ତ ବର୍ଗର ସୁବିଧା ପାଇଁ ବିଶ୍ଵସ୍ତରୀୟ ହସ୍ପିଟାଲ ଏବଂ ମେଡିକାଲ କଲେଜ ପ୍ରତିଷ୍ଠା ଦିଗରେ ଖର୍ଚ୍ଚ କରାଯିବ। ତା’ ସହିତ କେ-୧୨ ସ୍କୁଲ ଏବଂ ରୋଜଗାର ସହିତ ଉନ୍ନତ ବିଶ୍ଵସ୍ତରୀୟ କୌଶଳ ଏକାଡେମୀ ମଧ୍ୟ ପ୍ରତିଷ୍ଠା କରାଯିବ।

ଜିତ୍‌ ଏବଂ ଦିଭାଙ୍କ ବିବାହ ଫଟୋ ସାମାଜିକ ଗଣମାଧ୍ୟମରେ ଶେୟାର କରି ଗୌତମ ଅଦାନୀ କହିଛନ୍ତି ଯେ, ପରମପିତା ପରମେଶ୍ଵରଙ୍କ ଆଶୀର୍ବାଦରୁ ଜିତ ଏବଂ ଦିଭା ବିବାହର ପବିତ୍ର ବନ୍ଧନରେ ବାନ୍ଧି ହୋଇଛନ୍ତି। ଏହି ବିବାହ ଅହମଦାବାଦରେ ବନ୍ଧୁ ଓ ପରିଜନଙ୍କ ମଧ୍ୟରେ ପାରମ୍ପରିକ ରୀତିନୀତି ଅନୁସାରେ ସମ୍ପନ୍ନ ହୋଇଛି। ଏହା ଏକ ଛୋଟ ଏବଂ ଅତ୍ୟନ୍ତ ବ୍ୟକ୍ତିଗତ ସମାରୋହ ଥିଲା। ସେଥିଲାଗି ଇଚ୍ଛା ଥିଲେ ବି ସମସ୍ତ ଶୁଭଚିନ୍ତକମାନଙ୍କୁ ଆମନ୍ତ୍ରଣ କରିପାରିଲୁ ନାହିଁ। ଏଥିପାଇଁ କ୍ଷମାପ୍ରାର୍ଥନା ଚାହୁଁଛି।

ଜିତ୍‌ ଏବଂ ଦିଭା ବିବାହ ପୂର୍ବରୁ ମଙ୍ଗଳ ସଙ୍କଳ୍ପ ନେଇଥିଲେ। ଏହି ସଙ୍କଳ୍ପ ଅନୁସାରେ ସେମାନେ ୫୦୦ ଦିବ୍ୟାଙ୍କ କନ୍ୟାଙ୍କ ବିବାହ ପାଇଁ ୧୦ ଲକ୍ଷ ଟଙ୍କା ଲେଖାଏ ଆର୍ଥିକ ସହାୟତା ପ୍ରଦାନ କରିବେ।

At his son’s wedding, Adani Group chairman Gautam Adani committed to ‘seva’ by donating Rs 10,000 crores for social causes. The larger part of his donation is expected to go into funding massive infrastructure initiatives in healthcare, education and skill development. These… https://t.co/jNpKC4wOtC

— ANI (@ANI) February 7, 2025