ଠାକୁରମୁଣ୍ଡା: ଠାକୁରମୁଣ୍ଡା ବ୍ଲକ ରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ ଅଭିଯୋଗ। ୮ଟି ଶ୍ରେଣୀ ରେ ୧୬୭ ଜଣ ଛାତ୍ରଛାତ୍ରୀ ଙ୍କୁ ଶିକ୍ଷା ଦାନ କରୁଛନ୍ତି ୪ ଜଣ ଶିକ୍ଷୟତ୍ରୀ । ପ୍ରାଥମିକ ଶିକ୍ଷା କୁ ଶିକ୍ଷାର ମୂଳଦୁଆ କହୁଥିଲାବେଳେ, ସେହି ମୂଳ ଦୁଆ ଏବେ ଦୁର୍ବଳ ହୋଇଯାଇଛି ।
ଠାକୁରମୁଣ୍ଡା ବ୍ଲକ ସମ୍ମୁଖରେ ଥିବା ନିହାଣଗଣ୍ଡି ଉଚ୍ଚ ପ୍ରାଥମିକ ବିଦ୍ୟାଳୟରେ ପ୍ରଥମରୁ ୮ମ ପର୍ଯ୍ୟନ୍ତ ଶ୍ରେଣୀ ରହିଛି । ଏଥିରେ ୧୬୭ ଜଣ ଛାତ୍ରଛାତ୍ରୀ ପାଠ ପଢ଼ୁଥିବା ବେଳେ ଜଣେ ପ୍ରଧାନ ଶିକ୍ଷୟତ୍ରୀଙ୍କ ସହିତ ୩ ଜଣ ଶିକ୍ଷୟତ୍ରୀ ଅଛନ୍ତି। ତେବେ ପ୍ରଧାନ ଶିକ୍ଷୟତ୍ରୀ ଜଣକ ବିଭିନ୍ନ ସମୟରେ ବିଭିନ୍ନ ସରକାରୀ କାର୍ଯ୍ୟରେ ବ୍ୟସ୍ତ ରହୁଛନ୍ତି , ତିନି ଜଣ ଶିକ୍ଷୟତ୍ରୀ ୮ଟି ଶ୍ରେଣୀ ରେ ଥିବା ୧୬୭ ଜଣ ଛାତ୍ରଛାତ୍ରୀ ଙ୍କୁ ଶିକ୍ଷା ଦାନ କରନ୍ତି । ବିଗତ ଛଅ ମାସ ରୁ ଅଧିକ ହେବ ୪ ଜଣ ଶିକ୍ଷୟତ୍ରୀ , ଶିକ୍ଷାଦାନ କରୁଥିବା ବେଳେ ଶିକ୍ଷାଦାନ ବାଧାପ୍ରାପ୍ତ ହୋଇଛି ।
ଅଧିକ ଶିକ୍ଷକ ଶିକ୍ଷୟତ୍ରୀ ନିଯୁକ୍ତି ଦାବିରେ ଅଭିଭାବକ ଓ ଛାତ୍ରଛାତ୍ରୀ ସୋମବାର ଦିନ ସ୍କୁଲ ଗେଟ ସମ୍ମୁଖରେ ତାଲା ପକେଇ ଧାରଣା ବସିଥିଲେ । ଖବର ପାଇ ସିଆରସିସି ଓ ଠାକୁରମୁଣ୍ଡା ବ୍ଲକ ଶିକ୍ଷାଅଧିକାରୀ ସ୍କୁଲ ରେ ପହଞ୍ଚି ଅଭିଭାବକ ସହିତ ଆଲୋଚନା କରିଥିଲେ । ମଙ୍ଗଳବାର ସୁଦ୍ଧା କାଲି ଶିକ୍ଷକଙ୍କୁ ନିଯୁକ୍ତି ଦିଆଯିବ ବୋଲି ପ୍ରତିଶ୍ରୁତି ଦେଇଥିଲ । ମାତ୍ର ବ୍ଲକରେ ଅନେକ ଶିକ୍ଷକ ପଦବୀ ଖାଲି ପଡିଥିବାରୁ ଶିକ୍ଷା ବ୍ୟବସ୍ଥା ଏବେ ବିପର୍ଯ୍ୟସ୍ତ ଅବସ୍ଥାରେ ।
