କଟକ : କଟକ ଦରଘା ବଜାର ସ୍ଥିତ ବିଗ୍ ବଜାରରେ ଅଗ୍ନିକାଣ୍ଡ ଘଟିଛି। ବିଗ୍ ବଜାରର ଚତୁର୍ଥ ମହଲାରେ ଅଗ୍ନିକାଣ୍ଡ ଘଟିଥିଲା। ଖବର ପାଇ ତିନୋଟି ଦମକଳ ଘଟଣାସ୍ଥଳକୁ ଯାଇ ନିଆଁକୁ ଆୟତ୍ତ କରିଥିବା ଜଣାପଡିଛି। ତେବେ ନିଆଁ କିପରି ଲାଗିଲା ତାହା ଅସ୍ପଷ୍ଟ ରହିଛି।
ସୂଚନାଯୋଗ୍ୟ ଯେ, ସୋମବାର ଭୋର ସମୟରେ ବିଗ୍ ବଜାରର ଚତୁର୍ଥ ମହଲାରେ ହଠାତ ନିଆଁ ଲାଗିଯାଇଥିଲା। ଦମକଳ ବାହିନୀ ପ୍ରାୟ ଦେଢ ଘଣ୍ଟା କାଳ ପରିଶ୍ରମ କରି ନିଆଁକୁ ଆୟତ୍ତ କରିଥିବା ଜଣାପଡିଛି। ଚତୁର୍ଥ ମହଲାର ସବୁ ଜିନିଷ ପୋଡି ନଷ୍ଟ ମଧ୍ୟ ହୋଇଯାଇଛି।
