ଗୁରୁଡିଝାଟିଆ: ଖ୍ୟାତି ସଂପନ୍ନ ହୃଦରୋଗ ବିଶେଷଜ୍ଞ ତଥା ସାହିତ୍ୟିକ ଡାକ୍ତର ମୃତ୍ୟୁଞ୍ଜୟ ଶତପଥି(୮୦)ଙ୍କର ଆଜି ପରଲୋକ ଘଟିଛି। ଚିକିତ୍ସାଧିନ ଅବସ୍ଥାରେ କଟକର ଏକ ଘରୋଇ ଚିକିତ୍ସାଳୟରେ ଡାକ୍ତର ଶତପଥିଙ୍କ ପରଲୋକ ଘଟିଛି।
ଡାକ୍ତର ଶତପଥି କଟକ ବଡମେଡିକାଲରେ ହୃଦରୋଗ ବିଭାଗର ବିଭାଗୀୟ ମୁଖ୍ୟ ଭାବରେ ଅବସର ନେଇଥିଲେ। ଜଣେ ଜଣାଶୁଣା ହୃଦରୋଗ ବିଶେଷଜ୍ଞ ଭାବରେ ଗରୀବ ଅସହାୟମାନଙ୍କୁ ମାଗଣାରେ ଚିକିତ୍ସା ସେବା ଯୋଗାଇ ଦେଉଥିଲେ। ବିଶେଷତଃ ଆଠଗଡ ଅଞ୍ଚଳର ଜନସାଧାରଣଙ୍କୁ ଡାକ୍ତର ଶତପଥିଙ୍କ ଅହେତୁକ ଶ୍ରଦ୍ଧା, ଆଦର ଓ ଚିକିତ୍ସା କ୍ଷେତ୍ରରେ ସ୍ୱତନ୍ତ୍ରତା ଅଭୂଲା ଅଟେ। ଡାକ୍ତର ଶତପଥି ଖୁଣ୍ଟୁଣୀ ଥାନା ଅନ୍ତର୍ଗତ ଧୁରୁଷିଆ ଗ୍ରାମରେ ଜନ୍ମଗ୍ରହଣ କରିଥିଲେ। ଗାଁର ଉନ୍ନତି ,ଆଧ୍ୟାତ୍ମିକ, ସାଂସ୍କୃତିକ ଓ ଉନ୍ନତିମୂଳକ କାର୍ଯ୍ୟରେ ସର୍ବଦା ନିଜକୁ ସଂଶ୍ଲିଷ୍ଟ କରିଥିବା ବେଳେ ମାଟି ମାଆ ପ୍ରତି ତାଙ୍କର ଅହେତୁକ ଭଲପାଇବା ପାଇଁ ଗାଁର ଜନସାଧାରଣ ତଥା ନଦୀକୂଳ ଧୁରୁଷିଆ, କଖଡି, ମଞ୍ଚେଶ୍ୱର, ଘଣ୍ଟିଖାଲ, କଟକିଆସାହି, ମହାକାଳବସ୍ତ ପଞ୍ଚାୟତର ଜନସାଧାରଣ ଗଭୀର ଶୋକବ୍ୟକ୍ତ କରିଛନ୍ତି।
Comments are closed.