ଯାଜପୁର: ଯାଜପୁର ଜିଲା ଧର୍ମଶାଳା ନାବାଳିକା ଅପହରଣ ଓ ନିର୍ୟ୍ୟାତନା ଘଟଣାରେ ଆଜି ଆଉ ୪ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ଧର୍ମଶାଳା ପୁଲିସ। ଅଭିଯୁକ୍ତଙ୍କ ମଧ୍ୟରେ ରହିଛନ୍ତି ମୁଖ୍ୟ ଅଭିଯୁକ୍ତ ଦିବ୍ୟ ନାରାୟଣ ସାମଲଙ୍କ ଭିଣେଇ ସନ୍ତୋଷ ବାରିକ। ସନ୍ତୋଷ ନିଜେ ଧର୍ମଶାଳା ଥାନାରେ କନେଷ୍ଟବଳ ଅଛନ୍ତି। ସନ୍ତୋଷଙ୍କ ସମେତ ଅଭିଯୁକ୍ତଙ୍କ ର ଜଣେ ମାଉସୀ ଏବଂ ଦୁଇ ସାଙ୍ଗକୁ ପୁଲିସ ଗିରଫ କରିଛି। ନାବାଳିକାଙ୍କୁ ଅପହରଣ କରିବାରେ ସହଯୋଗ କରିବା ସହିତ ଷଡଯନ୍ତ୍ରରେ ସାମିଲ ଥିବା ଅଭିଯୋଗରେ ପୁଲିସ ଏମାନଙ୍କୁ ଗିରପଂ କରିଥିବା ଜଣାପଡିଛି।
ସୂଚନାଯୋଗ୍ୟ, ଗତ ୧୪ ତାରିଖ ବିଳମ୍ବିତ ରାତ୍ରିରେ ଚଣ୍ଡିଖୋଲ ଅଞ୍ଚଳରୁ ଜନୈକ ନାବାଳିକାଙ୍କୁ ଅପହରଣ କରିବା ପରେ ନିଶା ଦେଇ ବିଭିନ୍ନ ସ୍ଥାନରେ ରଖିବା ସହ ତାଙ୍କୁ ଶାରୀରିକ ଓ ମାନସିକ ନିର୍ଯାତନା ଦେବା ଅଭିଯୋଗ ହୋଇଥିଲା। ଏ ନେଇ କଂଗ୍ରେସ ଓ ବିଜେପିର ପ୍ରତିନିଧି ଦଳ ପୀଡିତାଙ୍କ ପରିବାରକୁ ଭେଟି ଏହାର ଉଚ୍ଚସ୍ତରୀୟ ତଦନ୍ତ ଦାବି କରିଥିଲେ। ଏହି ଘଟଣାରେ ପ୍ରଥମେ ୪ ଜଣ ଗିରଫ ହୋଇଥିବା ବେଳେ ଆଜି ଆଉ ୪ ଜଣ ଗିରଫ ହୋଇଛନ୍ତି। ଗିରଫ ହୋଇଥିବା ଅଭିଯୁକ୍ତ କନେଷ୍ଟବଳ ସନ୍ତୋଷ ବାରିକଙ୍କ ବାପା ଓ ମା ଗଣମାଧ୍ୟମକୁ ପ୍ରତିକ୍ରିୟା ଦେଇ ଏହା ସଂପୂର୍ଣ୍ଣ ମିଥ୍ୟା ଅଭିଯୋଗ ବୋଲି କହିଛନ୍ତି ।
Comments are closed.