ବେଗୁନିଆ: ବେଗୁନିଆ ବ୍ଲକରେ ସରକାର ଚାଷୀମାନଙ୍କ ପାଇଁ ଖୋଲିଥିବା ବିଭିନ୍ନ ଧାନ ମଣ୍ଡିରେ ନାନାଦି ଅନିୟମିତତା ଓ ଅବ୍ୟବସ୍ଥା ପରିଲକ୍ଷିତ ହେଉଛି। ଫଳରେ ସରକାରଙ୍କର ଏହି ଯୋଜନା ଏଠାରେ ଏକ ପ୍ରକାର ପ୍ରହସନରେ ପରିଣତ ହୋଇଛି। ଚାଷୀମାନଙ୍କର ଅଶେଷ କ୍ଷତି ହେଉଥିବାବେଳେ ମଣ୍ଡି ପରିଚାଳକମାନେ ଏହାର ଫାଇଦା ଉଠାଉଛନ୍ତି। ଚାଷୀମାନଙ୍କଠାରୁ ପ୍ରତି କ୍ବିଣ୍ଟାଲ ଧାନରେ ୬ରୁ ୮କେଜି କଟନୀ କରାଯିବା ସହ ମୋଟ ଧାନରୁ ମଧ୍ୟ କଟନୀ କରାଯାଉଛି। ଚାଷୀଙ୍କୁ ଅଖା ବସ୍ତା ଯୋଗାଇଦେବାର ବ୍ୟବସ୍ଥା ଥିବାବେଳେ ଅନେକ ସ୍ଥାନରେ ଚାଷୀମାନେ ନିଜସ୍ୱ ବସ୍ତାରେ ଧାନ ମଣ୍ଡିକୁ ଆଣୁଛନ୍ତି। ଚାଷୀମାନେ ଅଖା ବସ୍ତା ନିଜେ ଦେଲେ ୨୫ ଟଙ୍କା ପାଇବାର ବ୍ୟବସ୍ଥା ସରକାର କରିଥିବାବେଳେ ସେମାନଙ୍କୁ ଅଖା ବସ୍ତା ଟଙ୍କା ଦିଆଯାଉନାହିଁ। ଚାଷୀମାନଙ୍କର ଧାନ ଜମି ଅନୁସାରେ ସେମାନେ ଜମି ପଟା ଦେଇ ରେଜିଷ୍ଟ୍ରେସନ କରିବା ପରେ ସେମାନେ କେତେ କ୍ବିଣ୍ଟାଲ ଧାନ କେତେ ତାରିଖରେ ଦେଇପାରିବେ ସେମାନଙ୍କ ପାଖକୁ ସେ ସଂକ୍ରାନ୍ତରେ ମେସେଜ ଆସିଥାଏ । କିନ୍ତୁ ଚାଷୀମାନଙ୍କଠାରୁ ସେତିକି ଧାନ ନିଆ ନ ଯାଇ ଜିଲ୍ଲା ପ୍ରଶାସନର ବାରଣ ଯୋଗୁଁ ଅଧା ଧାନ ନିଆଯିବ ବୋଲି ସମ୍ପାଦକମାନେ ଚାଷୀଙ୍କୁ କହୁଛନ୍ତି। ଫଳରେ ଚାଷୀମାନେ ଏଥିପାଇଁ ବିଭିନ୍ନ ସ୍ଥାନରେ ବିଦ୍ରୋହ ପାଇଁ ସଜବାଜ ହେଉଥିବା ଜଣାପଡିଛି। ସେବା ସମବାୟ ସମିତି ତରଫରୁ କିଛି ଦଲାଲଙ୍କୁ ନିଯୁକ୍ତି ଦିଆଯାଇଥିବା ବେଳେ ମିଲର ଚାଷୀମାନଙ୍କର ଧାନ ଉଠାଇବା ପୂର୍ବରୁ ଚାଷୀମାନେ ସମ୍ପୃକ୍ତ ଦଲାଲମାନଙ୍କ ଜରିଆରେ ଆସିବା ପାଇଁ କୁହାଯାଉଛି। ଅନେକ ସ୍ଥାନରେ ମିଲରମାନେ ଦିନରେ ଧାନ ନ ଉଠାଇ ରାତିରେ ଧାନ ଉଠାଇବା ପଛରେ କଣ ରହସ୍ୟ ରହିଛି ବୋଲି ସାଧାରଣରେ ପ୍ରଶ୍ନ ହେଉଛି। ସରକାରଙ୍କର ଏହି ଯୋଜନାରେ ସମିତି ସମ୍ପାଦକଙ୍କଠାରୁ ଆରମ୍ଭ କରି ମିଲର ଏବଂ ଅଧିକାରୀମାନେ ଲାଭବାନ ହେଉଥିବା ବେଳେ ଯାହା ପାଇଁ ଏହି ଯୋଜନା ପ୍ରଣୟନ କରାଯାଇଛି ସେହି ଚାଷୀ ବିଚରା ତାର ଫାଇଦା ପାଇବାରୁ ବଞ୍ଚିତ ହେଉଛି। ତେଣୁ ସବୁ ମଣ୍ଡିରେ ସମାନ କଟନୀ ହେବା, ଚାଷୀମାନଙ୍କୁ ଅଖାବସ୍ତା ଯୋଗାଇଦେବା, ଅଖାବସ୍ତା ବାବଦକୁ ନିର୍ଦ୍ଧାରିତ ଅର୍ଥ ପ୍ରଦାନ କରିବା ଏବଂ ନିର୍ଦ୍ଧାରିତ ସମୟ ମଧ୍ୟରେ ଧାନ ଉଠାଯିବା ପାଇଁ ପ୍ରଶାସନ ପକ୍ଷରୁ ପଦକ୍ଷେପ ନେବାକୁ ଚାଷୀମାନେ ଦାବୀ କରିଛନ୍ତି।
Popular Categories
Previous article
Next article