ଆଠଗଡ : ଆଠଗଡ କଂଗ୍ରେସ ପକ୍ଷରୁ ପୂର୍ବତନ ମୁଖ୍ୟମନ୍ତ୍ରୀ, ପୂର୍ବତନ ରାଜ୍ୟପାଳ, ବିଶିଷ୍ଟ ସାହିତ୍ୟିକ, ରାଷ୍ଟ୍ରନୀତିଜ୍ଞ, ଜାନକୀ ବଲ୍ଲଭ ପଟ୍ଟନାୟକଙ୍କ ଷଷ୍ଠ ଶ୍ରାଦ୍ଧୋତ୍ସବ କୋଭିଡ ନିୟମ ଅନୁସାରେ ସ୍ୱଳ୍ପ ଲୋକଙ୍କ ଉପସ୍ଥିତିରେ ପାଳିତ ହୋଇଯାଇଛି। ବରିଷ୍ଠ କଂଗ୍ରେସ ନେତା ତଥା ପୂର୍ବତନ ବିଧାୟକ ଉମାବଲ୍ଲଭ ରଥ ଏଥିରେ ଅଧ୍ୟକ୍ଷତା କରି ସ୍ୱର୍ଗତ ଜାନକୀ ବଲ୍ଲଭ ପଟ୍ଟନାୟକଙ୍କ ପରି ଜଣେ ଦୂରଦୃଷ୍ଟି ସଂପନ୍ନ ବିଚକ୍ଷଣ ରାଜନୀତିଜ୍ଞ ଆଜିର ଦିନରେ ମିଳିବା ବିରଳ ଏବଂ ଓଡ଼ିଶା ପାଇଁ ଜାନକୀ ବାବୁ ଗର୍ବ ଓ ଗୌରବ ବୋଲି ମତବ୍ୟକ୍ତ କରିଥିଲେ। ଏଥିରେ ମୁଖ୍ୟବକ୍ତା ଭାବେ ବିଶିଷ୍ଟ ସାହିତ୍ୟିକ ଡଃ ନାରାୟଣ ପଣ୍ଡା ଜାନକୀ ବାବୁଙ୍କ ଲାଗି ଆଠଗଡ ଏକ ସ୍ୱତନ୍ତ୍ର ପରିଚୟ ପାଇଥିଲା। ଆଠଗଡର ବିକାଶ କ୍ଷେତ୍ରରେ ତାଙ୍କର ଅବଦାନ ଅବିସ୍ମରଣୀୟ ହୋଇ ରହିବ ବୋଲି ଡଃ ପଣ୍ଡା ମତବ୍ୟକ୍ତ କରିଥିଲେ। ଚଳିତ ବର୍ଷ କରୋନା ମହାମାରୀ ଯୋଗୁଁ ସ୍ୱର୍ଗତ ପଟ୍ଟନାୟକଙ୍କ ଶ୍ରାଦ୍ଧୋତ୍ସବ ନିରାଡମ୍ବର ଭାବେ ପାଳିତ କରାଯାଇଥିଲା। ଏହି ସଭାରେ ବରିଷ୍ଠ କଂଗ୍ରେସ ନେତା ସଦାନନ୍ଦ ପଟ୍ଟନାୟକ, ଅଶୋକ କୁମାର ଦାଶ, ସୁଦର୍ଶନ ସାହୁ, ବିଭୂତି ଭୂଷଣ ଦାଶ, ଅଶୋକ କୁମାର ପ୍ରଧାନ, ଆଲୋକ ରାୟ, ଯୁବ କଂଗ୍ରେସ ସଭାପତି ବିକ୍ରମ ରାୟସାମନ୍ତ, ପ୍ରଶାନ୍ତ ବେହେରା,ଚନ୍ଦନ ସାହୁ, ଶ୍ରୀତମ ଦାସ, ରାହୁଲ କୁମାର ସାହୁ ପ୍ରମୁଖ ଯୋଗଦେଇ ଜାନକୀ ବାବୁଙ୍କର ସ୍ମୃତି ଚାରଣ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ପ୍ରାରମ୍ଭରେ ଅତିଥିମାନଙ୍କ ସହ ସମସ୍ତ କଂଗ୍ରେସ ସଭ୍ୟ ସ୍ୱର୍ଗତ ପଟ୍ଟନାୟକଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ଶ୍ରଦ୍ଧାସୁମନ ଅର୍ପଣ କରିଥିଲେ। ଶେଷରେ ଯୁବନେତା ମାନସ ରଞ୍ଜନ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ।
Comments are closed.