ରେଙ୍ଗାଲି: କତରବଗା ଥାନା ଅନ୍ତର୍ଗତ ଗୁମଲୋଇର ଏକ କ୍ରସରର ଅନତି ଦୂର ଜଙ୍ଗଲରେ ଥିବା ପଥରକ୍ୱାରୀ ପାଖ ଗାଡିଆରେ ଜନୈକ ଅଜଣା ବ୍ୟକ୍ତିଙ୍କ ମୃତଦେହ ପୁଲିସ ଉଦ୍ଧାର କରିଛି। ମୃତଦେହ ଗାଡିଆ ପାଣିରେ ଭାସମାନ ଅବସ୍ଥାରେ ଥିବା ସୂଚନା ପାଇ କତରବଗା ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରି ପଞ୍ଚନାମା କଲା ପରେ ବ୍ୟବଚ୍ଛେଦ ପାଇଁ ପଠାଇଥିବା ପ୍ରକାଶ। ମୃତ ଯୁବକର ବୟସ ପ୍ରାୟ ୨୫ରୁ ୩୦ ବର୍ଷ ହେବ ବୋଲି ପୁଲିସ ଅନୁମାନ କରୁଛି। ଏହାବ୍ୟତୀତ ୧୦ ରୁ ୧୫ ଦିନ ତଳେ ଏହି ଅଜ୍ଞାତ ଯୁବକଙ୍କ ମୃତ୍ୟୁ ହୋଇଛିି ବୋଲି ପୁଲିସ ଅନୁମାନ କରୁଛି। ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇ ତଦନ୍ତ ଜାରି ରହିଛି ବୋଲି ଆଇଆଇସି ପ୍ରତାପ କୁମାର ରଣା କହିଛନ୍ତି।
Comments are closed.