ସମାଜ ଡିଜିଟାଲ ଡେସ୍କ: ଘର ବାରଣ୍ଡାରେ ଶୋଇଥିବାବେଳେ ବାପା-ପୁଅଙ୍କୁ ଏସିଡ ମାଡ଼ ଘଟଣାରେ ପୁଲିସ ୨ ଅଭିଯୁକ୍ତଙ୍କୁ ଗିରଫ କରିଛି। ଅଭିଯୁକ୍ତ ଜଣକ ଆଉ କେହି ନୁହନ୍ତି, ବରଂ ନିଜ ଝିଅ ହିଁ ଏଭଳି କାଣ୍ଡ ଘଟାଇଛି। ପ୍ରେମ ପାଇଁ ପ୍ରେମିକ ସହିତ ମିଶି ପୁଅ ଝିଅ ନିଜ ବାପା ଓ ଭାଇ ଉପରକୁ ଏସିଡ୍ ମାଡ଼ କରିଥିଲା ବୋଲି ପୁଲିସ ତଦନ୍ତରୁ ଜାଣିବାକୁ ପାଇଛି। ଏହି ଘଟଣାରେ ପୁଲିସ ଅଭିଯୁକ୍ତ ଝିଅ ଏବଂ ତା’ର ପୁରୁଷ ବନ୍ଧୁ ବିଜୟ ମାଝିକୁ ଗିରଫ କରିଛି।
ସୂଚନା ଅନୁସାରେ, କନ୍ଧମାଳ ଜିଲା ତୁମୁଡ଼ିବନ୍ଧ ଥାନା ଅନ୍ତର୍ଗତ ବଡ଼ କେନ୍ଦୁଲି ଗ୍ରାମରେ ଗତ ଶୁକ୍ରବାର ଏସିଡ ଆକ୍ରମଣ ହୋଇଥିଲା। ଗ୍ରାମର ଜଣେ ବ୍ୟକ୍ତି ଏବଂ ତାଙ୍କ ପୁଅ ଘର ବାରଣ୍ଡାରେ ଶୋଇଥିବାବେଳେ କେହି ଦୁର୍ବୃତ୍ତ ଆସି ଉଭୟଙ୍କ ଉପରକୁ ଏସିଡ ମାଡ଼ କରି ଫେରାର ହୋଇଯାଇଥିଲେ। ପରିବାରବର୍ଗ ଏବଂ ସ୍ଥାନୀୟ ଲୋକଙ୍କ ସହାୟତାରେ ଗୁରୁତର ଅବସ୍ଥାରେ ଉଭୟଙ୍କୁ ବାଲିଗୁଡ଼ା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପୁଲିସ ଏହାର ତଦନ୍ତ କରି ଅଭିଯୁକ୍ତମାନଙ୍କୁ ଗିରଫ କରିଛି।
Comments are closed.