ମୁମ୍ବାଇ: ବଲିଉଡ୍ର ଲୋକପ୍ରିୟ ତଥା ବରିଷ୍ଠ ଅଭିନେତ୍ରୀ ଆଶା ପାରେଖଙ୍କୁ ମିଳିବ ସମ୍ମାନଜନକ ଦାଦା ସାହେବ ଫାଲ୍କେ ଆୱାର୍ଡ-୨୦୨୨। ୬୦-୭୦ ଦଶକରେ ନିଜ ସୌନ୍ଦର୍ଯ୍ୟ ଓ ନିଖୁଣ ଅଭିନୟ ଦ୍ବାରା ଦର୍ଶକଙ୍କ ହୃଦୟରେ ରାଜ୍ କରୁଥିବା ଆଶାଙ୍କୁ ହିନ୍ଦୀ ସିନେମା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ଏହି ସମ୍ମାନ ପ୍ରଦାନ କରାଯିବ। ଏନେଇ ସୂଚନା ଦେଇଛନ୍ତି କେନ୍ଦ୍ରୀୟ ସୂଚନା ଏବଂ ପ୍ରସାରଣ ମନ୍ତ୍ରୀ ଅନୁରାଗ ଠାକୁର। କେନ୍ଦ୍ର ମନ୍ତ୍ରୀ ଦେଇଥିବା ସୂଚନାନୁସାରେ ତାଙ୍କୁ ଆଗାମୀ ୩୦ ତାରିଖରେ ଏହି ସମ୍ମାନ ମିଳିବ। ‘କଟି ପତଙ୍ଗ’, ‘ଉପକାର’, ‘ମେଁ ତୁଲସୀ ତେରି ଆଙ୍ଗନ କି’, ‘ଦୋ ବଦନ’, ‘କାରବା’, ‘ଚିରାଗ’, ‘ଜଲୱା’, ‘ଆଧା ଦିନ୍ ଆଧା ରାତି’, ‘ପ୍ରେମ ବିବାହ’ ଭଳି ଅନେକ ଚଳଚ୍ଚିତ୍ରରେ ଅଭିନୟ କରି ଦର୍ଶକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛନ୍ତି ଆଶା।
ସୂଚନାଯୋଗ୍ୟ, ୧୯୯୨ ମସିହାରେ ହିନ୍ଦୀ ସିନେମା କ୍ଷେତ୍ରରେ ଅବଦାନ ପାଇଁ ତାଙ୍କୁ ଭାରତ ସରକାର ପଦ୍ମଶ୍ରୀ ସମ୍ମାନ ପ୍ରଦାନ କରିଥିଲେ।
Comments are closed.