କଟକ: ତିଗିରିଆ ଥାନା ନୂଆପାଟଣା ଗାଁରେ ଜଣେ ମହିଳାଙ୍କ ଉପରକୁ ଏସିଡ୍ ମାଡ଼ ହୋଇଛି । ମହିଳା ଜଣକ ଘରୁ ବାହାରିବା ବେଳେ କିଛି ଦୁର୍ବୃତ୍ତ ଏସିଡ୍ ମାଡ଼ କରି ଘଟଣାସ୍ଥଳରୁ ଫେରାର ହୋଇଯାଇଛନ୍ତି । ସୂଚନା ମୁତାବକ ଏହି ଅଭାବନୀୟ ଘଟଣା ଆଜି ଭୋରରୁ ଘଟିଥିବା ବେଳେ ମହିଳା ଜଣକ ଏଥିରେ ଗୁରୁତର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ତିଗିରିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଏବଂ ପରେ ଏସସିବିରେ ଭର୍ତ୍ତି କରାଯାଇଛି ।
ଗୁରୁତର ମହିଳା ଜଣକଙ୍କ ନାଁ ରୀନା ସାହୁ (୩୬) ହୋଇଥିବା ବେଳେ ଏସିଡ୍ ମାଡ଼ରେ ତାଙ୍କ ଶରୀରର ୫୦% ପୋଡ଼ି ଯାଇଛି । ରୀନା ସକାଳୁ ସକାଳୁ ମର୍ଣ୍ଣିଂଓ୍ୱାକ୍ କରିବାକୁ ଯାଇଥିଲେ । ସେହି ସମୟରେ ଦୁର୍ବୃତ୍ତ ମାନେ ତାଙ୍କ ଉପରକୁ ଏସିଡ ମାଡ଼ କରିଥିଲେ । ଏସିଡ୍ ମାଡ କରି ସେଠାରୁ ଦୁର୍ବୃତ୍ତମାନେ ଫେରାର ହୋଇଯାଇଥିଲେ । ରୀନାଙ୍କ ଚିତ୍କାର ଶୁଣି ଲୋକ ମାନେ ତାଙ୍କୁ ଉଦ୍ଧାର କରି ତିଗିରିଆ ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ତାଙ୍କୁ ଗୁରୁତର ଅବସ୍ଥାରେ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
Comments are closed.