ଦୁବାଇ: ଏଠାରେ ଅନୁଷ୍ଠିତ ଚଳିତ ବର୍ଷର ଇଣ୍ଡିଆନ ପ୍ରିମିୟର ଲିଗ୍ରେ ଚେନ୍ନଇ ସୁପର କିଙ୍ଗ୍ସ (ସିଏସକେ) ଟାଇଟଲ ବିଜୟ ହୋଇଛି । ଏହା ସିଏସକେ ପାଇଁ ଚତୁର୍ଥ ଆଇପିଏଲ ଟାଇଟଲ ବିଜୟ । ଶୁକ୍ରବାର ରାତିରେ ଅନୁଷ୍ଠିତ ଫାଇନାଲ ମ୍ୟାଚରେ ସିଏସକେ ତାହାର ପ୍ରତିପକ୍ଷ କୋଲକାତା ନାଇଟ ରାଇଡର୍ସ (କେକେଆର)କୁ ୨୭ ରନରେ ପରାସ୍ତ କରିବା ସହିତ ଏହି ଗୌରବର ଅଧିକାରୀ ହୋଇଛି । ଏହା ଏମ ଏସ ଧୋନିଙ୍କ ପାଇଁ ମଧ୍ୟ ଏକ ସ୍ମରଣୀୟ ବିଜୟ ହୋଇଛି । ଧୋନି ବାହିନୀ ଦୁବାଇରେ ଇଓନ ମୋରଗାନଙ୍କ ନେତୃତ୍ୱାଧୀନ କେକେଆର ନିକଟରେ ୧୯୩ ରନର ବିଜୟ ଲକ୍ଷ୍ୟ ରଖିଥିଲେ । ଏହାର ଜବାବରେ କେକେଆର ପକ୍ଷରୁ ଭେଙ୍କଟେଶ ଆୟର ଏବଂ ଶୁବମନ ଗିଲ୍ ମାତ୍ର ୭ ଓଭରରେ ବିନା ୱିକେଟ ହରାଇ ୫୯ ରନ୍ ସଂଗ୍ରହ କରିଥିଲେ । ଏହା ପରେ ଆୟର ତାଙ୍କର ଚତୁର୍ଥ ଅର୍ଦ୍ଧଶତକ ହାସଲ କରିବାରେ ସଫଳ ହୋଇଥିଲେ । ତେବେ ଶାର୍ଦୁଳ ଠାକୁରଙ୍କ ବଲରେ ତାଙ୍କୁ ପାଭିଲିଅନ ଫେରିବାକୁ ପଡିଥିଲା । ସେହି ସମାନ ଓଭରେ ସିଏସକେ ବୋଲରଙ୍କୁ ଆଉ ଏକ ସଫଳତା ମିଳିଥିଲା । ପରବର୍ତ୍ତୀ ଓଭରରେ ସିଏସକେର ଜୋଶ୍ ହାଜଲଉଡ୍ କେକେଆରର ସୁନିଲ ନାରିନେଙ୍କୁ ମାତ୍ର ୨ ରନ୍ରେ ଆଉଟ କରିଥିବାବେଳେ ଗିଲ୍ ୫୧ ରନ୍ କରି ଦୀପକ ଚହରଙ୍କ ଦ୍ୱାରା ଆଉଟ ହୋଇଯାଇଥିଲେ । ପରେ କେକେଆର ଆପ୍ରାଣ ଉଦ୍ୟମ କରି ମଧ୍ୟ ଧାର୍ଯ୍ୟ ରନ ସ୍କୋର କରିପାରିନଥିଲା । ଏହା ୨୦ ଓଭରରେ ୯ ୱିକେଟ ହରାଇ ୧୬୫ ରନରେ ସୀମିତ ରହିଯାଇଥିଲା । ସିଏସକେ ପକ୍ଷରୁ ଠାକୁର ୩ଟି ୱିକେଟ ହାସଲ କରିଥିଲେ ।
Comments are closed.