- କରୋନାକୁ ନେଇ ଖାଦ୍ୟ ବିତରଣ କମ୍ପାନିଗୁଡିକ ମଧ୍ୟ ବିଶେଷ ପ୍ରସ୍ତୁତି କରିଛନ୍ତି।
- ଘରେ ତିଆରି ଖାଦ୍ୟ ଭଲ।
- ରେଟିଂ ଅନୁଯାୟୀ ଅନଲାଇନରେ ଖାଦ୍ୟ ଅର୍ଡର କରିବା ଭଲ
ନୂଆଦିଲ୍ଲୀ : ସମଗ୍ର ବିଶ୍ବରେ ବିଶେଷ କରି ଯୁକ୍ତରାଷ୍ଟ୍ରର କେତେକ ସହର ଏବଂ ଇଟାଲୀ ପରି ଦେଶରେ କରୋନା ଭାଇରସ୍ ପାଇଁ ଭୟଙ୍କର ବାତାବରଣ ସୃଷ୍ଟି ହୋଇଛି। ଏଭଳି ପରିସ୍ଥିତିରେ ଲୋକମାନଙ୍କୁ ବାହାରେ ବୁଲାବୁଲି ନକରି ଘରେ ରହିବାକୁ ପରାମର୍ଶ ଦିଆଯାଉଛି। ଏଭଳି ପରିସ୍ଥିତିରେ ଲୋକମାନେ ଖାଦ୍ୟ ଖାଇବା ପାଇଁ ବାହାରକୁ ଯାଇ ପାରୁନାହାନ୍ତି। ଯାହା ଫଳରେ ଖାଦ୍ୟ ଅର୍ଡର କରିବା ପାଇଁ ଅନଲାଇନ୍ ବିତରଣ ଉପରେ ନିର୍ଭରଶୀଳ ହେଉଛନ୍ତି। କିନ୍ତୁ ମନରେ ପ୍ରଶ୍ନ ହେଉଛି ଯେ କଣ ଅନଲାଇନରେ ଖାଦ୍ୟ ଅର୍ଡର କରିବା ସ୍ବାସ୍ଥ୍ୟ ପାଇଁ ହିତକର?
ତେବେ ଆସନ୍ତୁ ଜାଣିବା ……..
ବିଶେଷଜ୍ଞ ଡାକ୍ତର ଥୋମାସ୍ ସାଇଙ୍କ ମତରେ, ଅନଲାଇନରେ ଖାଦ୍ୟ ଅର୍ଡର କରିବା ସାଧାରଣତଃ ସ୍ବାସ୍ଥ୍ୟ ପାଇଁ ବିପଦଜନକ ଅଟେ। କାରଣ ଅନଲାଇନରେ ଖାଦ୍ୟ ଅର୍ଡ଼ର କଲେ ଯେଉଁ ଡେଲିଭରି ବୟ ଆପଣଙ୍କ ପାଇଁ ଖାଦ୍ୟ ଆଣି ଆସିଥାଏ। ସେ ଅନେକ ସ୍ଥାନ ବୁଲି ବୁଲି ଆପଣଙ୍କ ପାଖକୁ ଆସିଥାଏ। ଏଭଳି ପରିସ୍ଥିତିରେ ଅନଲାଇନରେ ଖାଦ୍ୟ ଅର୍ଡର କରିବାର ବିପଦ ଅଧିକ ରହିଛି। ତେଣୁ ଅନଲାଇନରେ ଖାଦ୍ୟ ଅର୍ଡର ନକରିବା ଆପଣଙ୍କ ପାଇଁ ଭଲ ହେବ ବୋଲି ସେ କହିଛନ୍ତି। ଯଦି ଖାଦ୍ୟ ଅର୍ଡର କରୁଛନ୍ତି ତେବେ ରେଟିଂ ଦେଖି ଅର୍ଡର କରିବା ଭଲ ହେବ।
କରୋନାକୁ ନେଇ ଖାଦ୍ୟ ବିତରଣ କମ୍ପାନି କେତେ ପ୍ରସ୍ତୁତ?
ଆମେରିକା ଭଳି ଦେଶରେ, ଯେଉଁ କମ୍ପାନିମାନେ ଖାଦ୍ୟ ବିତରଣ କରୁଛନ୍ତି କରୋନା ପାଇଁ ସେମାନେ ସ୍ୱତନ୍ତ୍ର ବ୍ୟବସ୍ଥା ଗ୍ରହଣ କରିଛନ୍ତି। ମ୍ୟାକଡୋନାଲ୍ଡ ଏବଂ ଷ୍ଟାରବକ୍ସ ପରି କମ୍ପାନିଗୁଡିକ ଏନେଇ ଖୁବ୍ ସଚେତନ ରହିଛନ୍ତି। ଏଥି ସହିତ ଭାରତର ଜୋମାଟୋ ପରି କିଛି ବଡ ଖାଦ୍ୟ ବିତରଣ କମ୍ପାନି ସେମାନଙ୍କ ଗ୍ରାହକଙ୍କୁ କରୋନା ଭୂତାଣୁ ବିଷୟରେ ଅବଗତ କରାଉଛନ୍ତି। ଏଥିପାଇଁ କମ୍ପାନିଗୁଡିକ ସେମାନଙ୍କର ବିତରଣ ବ୍ୟକ୍ତିଙ୍କୁ ମଧ୍ୟ ଟ୍ରେଣ୍ଡ କରୁଛନ୍ତି ଏବଂ ସ୍ୱଚ୍ଛତା ବିଷୟରେ କହୁଛନ୍ତି। ଖାଦ୍ୟ ବିତରଣ କମ୍ପାନିଗୁଡିକ ସେମାନଙ୍କ ଅଂଶୀଦାରମାନଙ୍କୁ କରୋନାର ସୁରକ୍ଷା ବିଷୟରେ ସଚେତନ କରାଉଛନ୍ତି ଏବଂ ଯଦି କରୋନାର କୌଣସି ଲକ୍ଷଣ ଥାଏ ତେବେ ଡାକ୍ତରଙ୍କ ସହ ପରାମର୍ଶ କରିବା ପାଇଁ କହିଛନ୍ତି। ଖାଦ୍ୟ ବିତରଣ କମ୍ପାନିଗୁଡିକ ସହଭାଗୀ ରେଷ୍ଟୁରାଣ୍ଟଗୁଡିକର ରୋଷେଇ ଘର ସଫା କରିବା ଉପରେ ତୀକ୍ଷ୍ଣ ନଜର ରଖିଛନ୍ତି। ଯାହା ଦ୍ବାରା କରୋନା ଭୂତାଣୁରୁ ରକ୍ଷା ମିଳିପାରିବ।
କରୋନା ଭାଇରସ୍ : କଣ ଅନଲାଇନରେ ଖାଇବା ଅର୍ଡ଼ର କରିବାରେ ଅଛି କରୋନା ଭୟ
Popular Categories
Previous article
Next article