ମୁମ୍ବଇ : ମହାରଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧିପାଉଥିବା ବେଳେ ରାଜ୍ୟରେ ଜଣେ ମନ୍ତ୍ରୀ ମଧ୍ୟ ସଂକ୍ରମିତ ହୋଇଥିବା ଜଣାପଡିଛି। ପୂର୍ବରୁ ସଂଗରୋଧରେ ଥିବା ଏନସିପି ବିଧାୟକ ତଥା ମନ୍ତ୍ରୀ ଜିତେନ୍ଦ୍ର ଆହ୍ବାଦଙ୍କ ପରୀକ୍ଷା ପରେ ସେ କରୋନା ସଂକ୍ରମିତ ହୋଇଥିବା ଜଣାପଡିଛି।
ସୂଚନା ଯୋଗ୍ୟ ଯେ, ମନ୍ତ୍ରୀଙ୍କ ଷ୍ଟାଫ କରୋନା ଆକ୍ରାନ୍ତ ହେବା ପରେ ସେମାନଙ୍କୁ ସଂଗରୋଧ କରାଯାଇଥିଲା। ମନ୍ତ୍ରୀ ନିଜେ ମଧ୍ୟ ସଂଗରୋଧରେ ରହିଥିବା କହିଥିଲେ। ମହାରାଷ୍ଟ୍ରରେ କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ମନ୍ତ୍ରୀ ଆକ୍ରାନ୍ତ ହେବା ପ୍ରଶାସନ ପାଇଁ ଚିନ୍ତାର କାରଣ ହୋଇଛି। ଦେଶରେ କରୋନା ସଂଖ୍ୟା ବଢିବାରେ ଲାଗିଛି ଏବଂ ମହାରାଷ୍ଟ୍ରରେ ଏହି ସଂଖ୍ୟା ୬ ହଜାର ଟପିଥିବା ବେଳେ ୨୮୩ ଜଣ ମୃତ୍ୟୁବରଣ କରିଛନ୍ତି।
