ଆଠମଲ୍ଲିକ : ଆଠମଲ୍ଲିକ ବ୍ଲକ ଅନ୍ତର୍ଗତ କୃତିବାସପୁର ପଞ୍ଚାୟତର ତିଲେଶ୍ବର ଗ୍ରାମବାସୀମାନେ କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୪୭ ହଜାର ୯୪୬ ଟଙ୍କା ଆଠମଲ୍ଲିକ ଉପଜିଲ୍ଲାପାଳ ଡଃ ରଜନୀକାନ୍ତ ବିଶ୍ବାଳଙ୍କ ମାଧ୍ୟମରେ ପ୍ରଦାନ କରିଥିବା ଉପଜିଲ୍ଲାପାଳ ପ୍ରକାଶ କରିଛନ୍ତି। କରୋନା ଭୂତାଣୁ ସଂକ୍ରମଣକୁ ରୋକିବା ପାଇଁ ଜାରି ହୋଇଥିବା ଲକଡାଉନ ଯାଞ୍ଚ କରିବା ପାଇଁ ଉପଜିଲ୍ଲାପାଳ ଏହି ବ୍ଲକର ପାଇକସାହି, ଠାକୁରଗଡ, କୃତିବାସପୁର ପଞ୍ଚାୟତ ଅଞ୍ଚଳରେ ଗସ୍ତ କରିଥିବାବେଳେ ତିଲେଶ୍ୱର ଗ୍ରାମର ପ୍ରଶାନ୍ତ ପ୍ରଧାନ ଗ୍ରାମବାସୀମାନଙ୍କ ଠାରୁ ସଂଗୃହିତ ପାଣ୍ଠି ଉପଜିଲ୍ଲାପାଳଙ୍କ ହସ୍ତରେ ଅର୍ପଣ କରିଥିଲେ। ଏହି ସମୟରେ ସହକାରୀ ଜିଲ୍ଲାପାଳ ଲମ୍ବୋଦର ମାରାଣ୍ଡି ଏବଂ ଠାକୁରଗଡ ଆଇଆଇସି ଗବାକ୍ଷ ନାୟକ ଉପସ୍ଥିତ ଥିଲେ।
Comments are closed.