ୱାଶିଂଟନ : କରୋନା ଭୂତାଣୁ ଜନିତ ରୋଗ ବିଶ୍ବରେ ଭୟର ବାତାବରଣ ସୃଷ୍ଟି କରିଥିବା ବେଳେ ଏହା ହୃଦରୋଗ ଆଶଙ୍କା ବଢ଼ାଇବ ବୋଲି ବୈଜ୍ଞାନିକମାନେ ସତର୍କ କରାଇଛନ୍ତି । କରୋନା ପୀଡିତଙ୍କ ଚିକିତ୍ସା ହୃଦରୋଗୀ ବ୍ୟବହାର କରୁଥିବା ଔଷଧ ସହ ପ୍ରତିକ୍ରିୟା ଯୋଗୁ ହୃଦ୍ଘାତ ଆଶଙ୍କା ରହିଥିବା ଆମେରିକା ଭର୍ଜିନିଆ ବିଶ୍ବବିଦ୍ୟାଳୟର ଗବେଷକମାନେ କହିଛନ୍ତି।
ଆମେରିକାରୁ ପ୍ରକାଶିତ ପତ୍ରିକା ଏମରଜେନ୍ସି ମେଡିସିନରେ ଏ ସଂପର୍କରେ ରିପୋର୍ଟ ପ୍ରକାଶ ପାଇଛି। ରିପୋର୍ଟରେ କୁହାଯାଇଛି ଯେ କରୋନା ପୀଡିତ ନିଶ୍ବାସ ପ୍ରଶ୍ବାସ ନେବାରେ ଅସୁବିଧା ଭୋଗୁଛନ୍ତି ଆକଳନ କରାଯାଇ ଚିକିତ୍ସା କରାଯାଉଛି। ମାତ୍ର ହୃଦରୋଗ ସମସ୍ୟା ଉପରେ କମ୍ କୁହାଯାଉଛି । ଯାହାକି ପୀଡିତକୁ ମୃତ୍ୟୁମୁଖରେ ପକାଇପାରେ। କରୋନା ଭୂତାଣୁ ଯୋଗୁ ଶରୀର ବିଶେଷ କରି ହୃଦୟ ପ୍ରଭାବିତ ହୋଇଥାଏ ବୋଲି ଗବେଷକ ୱିଲିୟମ ବ୍ରାଡୀ କହିଛନ୍ତି।
ଏକ ରିପୋର୍ଟରୁ ଜଣାପଡିଛି ଯେ ୨୪ ପ୍ରତିଶତ କୋଭିଡ ପୀଡିତଙ୍କ ମୃତ୍ୟୁ ହୃଦ ଜନିତ ରୋଗ କାରଣରୁ ହୋଇଛି। ହୃଦରୋଗ ଜନିତ କାରଣରୁ କିମ୍ବା କରୋନା ଭୂତାଣୁ ହୃଦରୋଗୀକୁ ଅଧିକ ବିବଶ କରିବା ଯୋଗୁ ଏଭଳି ଅଘଟଣ ଘଟୁଛି, ସେ ସଂପର୍କରେ କିଛି ସ୍ପଷ୍ଟ ହୋଇ ନାହିଁ । କିନ୍ତୁ ଗବେଷଣାରୁ ଜଣାପଡିଛି ଯେ କୋଭିଡ ଯୋଗୁ ପୀଡିତ ଶରୀରରେ ଜ୍ବଳନ ହୋଇଥାଏ। ତା’ଛଡା ଫାଟି ପ୍ଲେକ ଯୋଗୁ ତିଆରି ହେଉଥିବାରୁ ରକ୍ତ ପ୍ରବାହରେ ସମସ୍ୟା ସୃଷ୍ଟି ହୋଇଥାଏ। ଯାହା ହୃଦ୍ଘାତ କରାଇଥାଏ। କୋଭିଡ ପୀଡିତଙ୍କୁ ଦିଆଯାଉଥିବା ହାଇଡ୍ରୋକ୍ସିକ୍ଲୋରୋକୁଇନ ରୋଗ ନିୟନ୍ତ୍ରଣରେ ସହାୟକ ହେଉଥିଲେ ହେଁ ହୃଦ୍ରୋଗ ବୃଦ୍ଧି ସମ୍ଭାବନା ରହିଛି। ସେହିପରି ରେମଡିସଭିର ମଧ୍ୟ ନିମ୍ନ ରକ୍ତଚାପ ସହ ହୃଦଘାତ କରିପାରେ ବୋଲି ଗବେଷକମାନେ କହିଛନ୍ତି। କୋଭିଡ ଚିକିତ୍ସାର ଖରାଫ ପ୍ରଭାବ ପୀଡିତ ଶରୀରର ଅନ୍ୟାନ୍ୟ ଅଙ୍ଗ ଉପରେ ମଧ୍ୟ ପଡିବା ଆଶଙ୍କା କରାଯାଇଛି।
Comments are closed.