ଭୁବନେଶ୍ବର : ମୁଖ୍ୟମନ୍ତ୍ରୀ ମକା ମିଶନ ଅଧୀନରେ ମିଶନ୍ ଶକ୍ତି ଉତ୍ପାଦକ ଗୋଷ୍ଠୀ ଏବଂ ଉତ୍ପାଦକ କମ୍ପାନୀ ଜରିଆରେ ମକା କ୍ଲଷ୍ଟରର ପ୍ରୋତ୍ସାହନ ନିମନ୍ତେ କୃଷି ଓ କୃଷକ ସଶକ୍ତୀକରଣ ବିଭାଗ ଅଧୀନ କୃଷି ଓ ଖାଦ୍ୟ ଉତ୍ପାଦନ ନିର୍ଦେଶାଳୟ, ମିଶନ୍ ଶକ୍ତି ବିଭାଗ ଏବଂ ଆସେସ ଡେଭଲପମେଣ୍ଟ ସର୍ଭିସେସ ମଧ୍ୟରେ ଏକ ତ୍ରିପାକ୍ଷିକ ଚୁକ୍ତିନାମା ସ୍ବାକ୍ଷରିତ ହୋଇଛି। ଏହି କାର୍ଯ୍ୟକ୍ରମ ଦ୍ବାରା ନବରଙ୍ଗପୁର, କୋରାପୁଟ, ଗଜପତି ଏବଂ ନୂଆପଡ଼ା ଜିଲାର ୫ଟି ବ୍ଲକର ୫ ହଜାର ମହିଳା ସ୍ବୟଂ ସହାୟକ ଗୋଷ୍ଠୀର ସଦସ୍ୟ ଉପକୃତ ହେବେ। ଏଥିରେ ୧୦୦ଟି ଉତ୍ପାଦକ ଗୋଷ୍ଠୀ ଓ ୫ଟି ମହିଳା ଉତ୍ପାଦକ କମ୍ପାନୀ ଗଠନ କରାଯିବ। ଏହି କାର୍ଯ୍ୟକ୍ରମ ପାଇଁ କୃଷି ବିଭାଗ ନୋଡାଲ ବିଭାଗ ରୂପେ ଅନ୍ୟ ବିଭାଗ ଗୁଡ଼ିକ ସହ ସମନ୍ବୟ ରକ୍ଷା କରି କାର୍ଯ୍ୟ କରିବ। ଆସେସ୍
ଡେଭଲପମେଣ୍ଟ ସର୍ଭିସେସ ଉତ୍ପାଦକ ଗୋଷ୍ଠୀ ଏବଂ ଉତ୍ପାଦକ କମ୍ପାନୀ ଗଠନରେ ସହଯୋଗ କରିବ। ମହିଳା ଏସ୍ଏଚ୍ଜି ସଦସ୍ୟଙ୍କୁ ସଂଗଠିତ ବଜାର ସହିତ ସିଧାସଳଖ ଯୋଗାଯୋଗ କରାଇବା ଏହାର ଉଦ୍ଦେଶ୍ୟ। ଏହି କାର୍ଯ୍ୟକ୍ରମ ମାଧ୍ୟମରେ ଫସଲ ବିବିଧିକରଣ ଓ ଜଳବାୟୁ ଅନୁକୂଳ କୃଷି ପଦ୍ଧତିକୁ ପ୍ରୋତ୍ସାହନ ଦିଆଯିବ।
Comments are closed.