ଚୌଦ୍ୱାର: ଚୌଦ୍ୱାର ପୌରପାଳିକା ୧୧ ନମ୍ବର ୱାର୍ଡସ୍ଥିତ ଆମ୍ବିସନ୍ କ୍ଲବ୍ ଆନୁକୂଲ୍ୟରେ ଏକ ଦାତବ୍ୟ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଯାଇଛି । ଏହି ଶିବିରକୁ ସତ୍ୟବତୀ ଦାସ ଉଦ୍ଘାଟନ କରିଥିଲେ । ସାରାଦିନ ବ୍ୟାପି ଅନୁଷ୍ଠିତ ଏହି ଶିବିରରେ ଚକ୍ଷୁ ଚିକିତ୍ସକ ଡା. ଲକ୍ଷ୍ମୀପ୍ରିୟା ନାୟକ ଓ ଡା. ଜାହିରୁଦ୍ଦିନ୍ ସାହା ମୋଟ ୨୦୫ ଜଣଙ୍କର ଚକ୍ଷୁ ପରୀକ୍ଷା କରିବା ସହିତ ଚଷମା ପ୍ରଦାନ କରିଥିଲେ । ସେଥି ମଧ୍ୟରୁ ୨୦ ଜଣଙ୍କ ଚକ୍ଷୁରେ ମୋତିଆବିନ୍ଦୁ ଅତ୍ସ୍ରୋପଚାର ପାଇଁ ପଦ୍ମିନୀ କେୟାର ହସପିଟାଲକୁ ନିଆଯାଇଥିଲା । ନବ ନିର୍ବାଚିତ ପୌରାଧ୍ୟକ୍ଷା ମାନସୀ ସ୍ୱର୍ଣ୍ଣପ୍ରଭା ସାମଲ, କାଉନସିଲର ଶୁଭେନ୍ଦୁ ସାମଲ, ସୁବ୍ରତ ସାମଲ, କାଉନସିଲର ବିଜୟଲକ୍ଷ୍ମୀ ବେହେରା,ଯୁବ ନେତା ଅର୍ଜୁନ ପଣ୍ଡା ପ୍ରମୁଖ ଶିବିରରେ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ । କ୍ଲବ୍ ସଭାପତି ଅମିତ କୁମାର ବେଉରା, ସଂଜୟ ପାତ୍ର, ଦେବାଶିଷ ରାଉତ,ପ୍ରଶାନ୍ତ ଜେନା, ସଂଜୟ ରାଉତ, ଖୁଦିରାମ ଦାସ, ବେଣୁଧର ପରିଡ଼ାଙ୍କ ସମେତ କ୍ଲବ୍ର ସମସ୍ତ ସଦସ୍ୟ ଓ ସଦସ୍ୟା କାର୍ଯ୍ୟକ୍ରମ ପରିଚାଳନା କରିଥିଲେ ।
Popular Categories
Previous article
Next article