ବେଜିଂ . – ମହାକାଶରେ ଥିବା ଚୀନର ଆଉ ଏକ ଗବେଷଣାଗାର ବା ସ୍ପେସ୍ ଷ୍ଟେସନ ଜୁଲାଇ ୨୦୧୯ରେ ପୃଥିବୀ ପୃଷ୍ଟରେ ଖସି ପଡିବ । ଏହାକୁ ନିୟନ୍ତ୍ରିତ ଉପାୟରେ ପୃଥିବୀ ପୃଷ୍ଟକୁ ଆଣାଯିବ ବୋଲି ଚୀନର ମହାକାଶ ଗବେଷଣା ସଂସ୍ଥା ଦାବି କରିଛି । ୬ ମାସ ପୂର୍ବରୁ ଚୀନର ମହାକାଶରେ ଥିବା ଆଉ ଏକ ଗବେଷଣାଗାର ତିଆଙ୍ଗୋଙ୍ଗ-୧କୁ ପୃଥିବୀ ପୃଷ୍ଟରେ ଖସାଇ ଦିଆଯାଇଥିଲା । ମାତ୍ର ଏହାକୁ ଚୀନର ମହାକାଶ ଗବେଷଣା ସଂସ୍ଥା ନିୟନ୍ତ୍ରଣ କରି ପାରି ନଥିଲା ।
ସୌଭାଗ୍ୟ ବଶତଃ ତିଆଙ୍ଗୋଙ୍ଗ -୧ର ଅଧିକାଂଶ ଅଂଶ ପୃଥିବୀର ବୟୁମଣ୍ଡଳରେ ଜଳିଯାଇଥିବା ,ଏହାର କିଛି ଅଂଶ ପ୍ରଶାନ୍ତ ମହାସାଗରରେ ଖସି ପଡିଥିଲା ।
ତିଆଙ୍ଗୋଙ୍ଗ- ୨କୁ ଦୁଇ ବର୍ଷ ପାଇଁ ଚୀନ ମହାକାଶକୁ ପଠାଇଥିଲା। ଏଥିରେ ଚୀନର ଦୁଇ ଜଣ ବୈଜ୍ଞାନିକ ଥିଲେ । ମହାକାଶରେ ଜୈବ ବିଜ୍ଞାନ, ଚିକିତ୍ସା ବିଜ୍ଞାନ, ପଦାର୍ଥ ବିଜ୍ଞାନ ସହ ଅନ୍ୟ କେତକ ବିଷୟରେ ଏମାନେ ଗବେଷଣା କରିଥିଲେ । ତିଆଙ୍ଗୋଙ୍ଗ-୨କୁ ସଫଳତାର ସହ ପୃଥିବୀ ପୃଷ୍ଟରେ ଖସାଇ ଦିଆଯିବ ବୋଲି ଚୀନର ଗବେଷଣା ସଂସ୍ଥା ଦାବି କରିଛି ।
