ଉଝୁଏନ: ଚୀନରେ ବୁଧବାରଠାରୁ ଆରମ୍ଭ ହୋଇଥିବା ଆରଆଇସି(ରୁଷ-ଭାରତ-ଚୀନ) ସମ୍ମଳନୀରେ ଚୀନ ଆତଙ୍କବାଦ ବିରୋଧରେ ଲଢ଼େଇ ଜାରି ରଖିବାକୁ ପରାମର୍ଶ ଦେଇଛି। ସମ୍ମିଳନୀରେ ୩ ଦେଶର ବୈଦେଶିକ ମନ୍ତ୍ରୀ ଯୋଗଦେଇଛନ୍ତି। ପ୍ରାରମ୍ଭରେ ଭାରତର ବୈଦେଶିକ ମନ୍ତ୍ରୀ ସୁଷମା ସ୍ବରାଜ ଆତଙ୍କବାଦ ବିରୋଧରେ ଭାରତର ଆଭିମୁଖ୍ୟ ସ୍ପଷ୍ଟ ଥିବା କହିଥିଲେ। ପାକିସ୍ତାନ ଅଧିକୃତ କାଶ୍ମୀର(ପିଓକେ)ରେ ଭାରତୀୟ ବାୟୁସେନା କ’ଣ ପାଇଁ ଆକ୍ରମଣ କଲା ତାହାର କାରଣ ଜଣାଇଥିଲେ। ପାକିସ୍ତାନୀ ଆତଙ୍କବାଦୀ ସଂଗଠନ ଜୈଶ-ଏ-ମହମ୍ମଦ(ଜେଇଏମ) ପୁଲୱାମାରେ ଆକ୍ରମଣ କରିବା ଫଳରେ ୪୦ ଭାରତୀୟ ଯବାନ ଶହୀଦ ହୋଇଥିଲେ। ଏହା ଜାଣି ମଧ୍ୟ ପାକିସ୍ତାନ ଜୈଶ ବିରୋଧରେ କାର୍ଯ୍ୟାନୁଷ୍ଠାନ ନ ନେବାରୁ ଭାରତ ପଦକ୍ଷେପ ନେଲା ବୋଲି ସୁଷମା ଦର୍ଶାଇଥିଲେ। ସମ୍ମିଳନୀରେ ଆତଙ୍କବାଦ ବିଷୟରେ ୩ଦେଶ ଆଲୋଚନା କରିଥିଲେ। କିନ୍ତୁ ଚୀନ ଆଲୋଚନା କାଳରେ ପାକିସ୍ତାନର ନାଁ ନେଇ ନ ଥିଲା। ଶେଷରେ ସବୁ ରାଷ୍ଟ୍ର ଆତଙ୍କବାଦ ବିରୋଧରେ ଲଢ଼େଇ ଜାରି ରଖିବା ଉଚିତ ବୋଲି ଚୀନ ବୈଦେଶିକ ମନ୍ତ୍ରୀ ପରାମର୍ଶ ଦେଇଥିଲେ। ମାତ୍ର ଆତଙ୍କବାଦକୁ ପ୍ରୋତ୍ସାହନ ଦେଉଥିବା ପାକିସ୍ତାନ ବିଷୟରେ ଗୋଟିଏ ହେଲେ ଶବ୍ଦ କହି ନ ଥିଲେ, ଯାହା ଚୀନର ଦୋମୁହାଁ ନୀତିକୁ ପଦାରେ ପକାଇଛି।
Popular Categories
Previous article
Next article