ନୂଆଦିଲ୍ଲୀ : ସିବିଏସ୍ଇର ଦଶମ ଏବଂ ଦ୍ୱାଦଶ ଶ୍ରେଣୀ ଉତ୍ତର ଖାତାର ମୂଲ୍ୟାଙ୍କନ କାର୍ଯ୍ୟ ରବିବାର ଅର୍ଥାତ ଆସନ୍ତାକାଲି ଠାରୁ ଆରମ୍ଭ ହେବ ବୋଲି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ରମେଶ ପୋଖରିଆଲ୍ ନିଶଙ୍କ କହିଛନ୍ତି । କାଲିଠାରୁ ସିବିଏସଇର ଦେଢ ଲକ୍ଷ ଉତ୍ତର ଖାତାର ମୂଲ୍ୟାଙ୍କନ କାର୍ଯ୍ୟ ଆରମ୍ଭ ହେବ ବୋଲି ସେ କହିଛନ୍ତି । ସିବିଏସ୍ଇର ୧୭୩ଟି ବିଷୟର ଉତ୍ତର ଖାତାର ମୂଲ୍ୟାଙ୍କନ କାର୍ଯ୍ୟ ଆରମ୍ଭ ହେବ ବୋଲି ମନ୍ତ୍ରୀ ସୂଚନା ଦେଇଛନ୍ତି । ସେ କହିଛନ୍ତି ସମସ୍ତ ଉତ୍ତର ଖାତା ଶିକ୍ଷକମାନଙ୍କ ଘରେ ପହଞ୍ଚାଯିବ ।
ଏକ ଭିଡିଓ ବାର୍ତ୍ତାରେ ସେ କହିଛନ୍ତି ଯେ ଗୃହ ମନ୍ତ୍ରଣାଳୟ ଏହି ଖାତା ଗୁଡ଼ିକୁ ଶିକ୍ଷକମାନଙ୍କ ଘରେ ପହଞ୍ଚାଇବାକୁ ଅନୁମତି ଦେଇଛନ୍ତି ।
माननीय गृह मंत्री श्री @AmitShah जी का आभार व्यक्त करते हुए आप सभी को यह सूचित कर रहा हूँ कि आज विद्यार्थियों के हित में, गृह मंत्रालय के निर्देशानुसार देश के 3000 #CBSE स्कूलों को मूल्यांकन केंद्र के रूप में चिह्नित किया गया है।@HMOIndia @HRDMinistry@PIB_India @DDNewslive pic.twitter.com/p8JzHb4qva
— Dr Ramesh Pokhriyal Nishank (@DrRPNishank) May 9, 2020
ସିବିଏସଇ ବୋର୍ଡ ପରୀକ୍ଷା ଖାତା ମୂଲ୍ୟାୟନ ପାଇଁ ଆଜି ଗୃହ ମନ୍ତ୍ରଣାଳୟ ପକ୍ଷରୁ ଏକ ଗୁରୁତ୍ବପୂର୍ଣ୍ଣ ମଞ୍ଜୁରି ମିଳିଛି। ସାରା ଦେଶରେ ପରୀକ୍ଷା ଖାତା ମୂଲ୍ୟାୟନ ଲାଗି ୩ହଜାର ସିବିଏସଇ ମାନ୍ୟତାପ୍ରାପ୍ତ ବିଦ୍ୟାଳୟ ଖୋଲାଯିବ । ଏହିସବୁ ସ୍କୁଲକୁ ପରୀକ୍ଷା ଖାତା ମୂଲ୍ୟାୟନ କେନ୍ଦ୍ର ଭାବେ ଉପଯୋଗ କରିବା ନିମନ୍ତେ ଗୃହ ମନ୍ତ୍ରଣାଳୟ ପକ୍ଷରୁ ଅନୁମତି ଦିଆଯାଇଛି । ସାରା ଦେଶରେ ୩୦୦୦ ସିବିଏସଇ ଅନୁମତିପ୍ରାପ୍ତ ବିଦ୍ୟାଳୟକୁ ପରୀକ୍ଷା ଖାତା ମୂଲ୍ୟାୟନ କେନ୍ଦ୍ର ଭାବେ ଚିହ୍ନଟ କରାଯାଇଛି ଏବଂ କେବଳ ଖାତା ମୂଲ୍ୟାୟନ ପାଇଁ ଏହି ସବୁ ସ୍କୁଲକୁ ଖୋଲିବା ନିମନ୍ତେ ସ୍ବତନ୍ତ୍ର ଅନୁମତି ମିଳିଛି ।
ଏହି ତିନି ହଜାର ମୂଲ୍ୟାଙ୍କନ କେନ୍ଦ୍ରରୁ ଉତ୍ତରଖାତା ଶିକ୍ଷକମାନଙ୍କ ଘରକୁ ପଠାଯିବ ବୋଲି ମନ୍ତ୍ରୀ କହିଛନ୍ତି । ଶିକ୍ଷକମାନେ ଏହି ଖାତାଗୁଡ଼ିକୁ ଘରେ ମୂଲ୍ୟାଙ୍କନ କରିବେ । ପୁଣି ଖାତା ଗୁଡିକ ଆସି ସେଠାରେ ରହିବ ।
ମନ୍ତ୍ରୀ ଶ୍ରୀ ନିଶଙ୍କ କହିଛନ୍ତି ଯେ ୫୦ ଦିନ ମଧ୍ୟରେ ଖାତାଗୁଡ଼ିକର ମୂଲ୍ୟାଙ୍କନ ଶେଷ ହେବ। ଶିକ୍ଷକମାନେ ଘରୁ ମୂଲ୍ୟାଙ୍କନ କାର୍ଯ୍ୟ କରି ଖାତା ଗୁଡିକୁ ଫେରାଇବେ । ସେ କହିଛନ୍ତି ଯେ ମୂଲ୍ୟାଙ୍କନ କାର୍ଯ୍ୟ ଏବଂ ଅବଶିଷ୍ଟ ପରୀକ୍ଷା ସମାପ୍ତ ହେବା ପରେ ଖୁବ ଶୀଘ୍ର ଦଶମ ଏବଂ ଦ୍ବାଦଶ ଶ୍ରେଣୀର ଛାତ୍ରଛାତ୍ରୀଙ୍କ ଫଳାଫଳ ପ୍ରକାଶ ପାଇବ।
