କେବଳ ଆଘାତ ଲାଗିବା କିମ୍ବା ଭୁଲ୍ ଔଷଧ ସେବନ ଦ୍ୱାରା ମସ୍ତିଷ୍କର କ୍ଷତି ହୋଇଥାଏ, ତାହା ନୁହେଁ। ଦିନସାରା ଧାଁଦୌଡ ଭିତରେ ଆମେ ଅଜାଣତରେ ଏପରି କିଛି ଭୁଲ୍ କରିବସୁ ଯାହା ମସ୍ତିଷ୍କର କାର୍ଯ୍ୟଦକ୍ଷତାକୁ ପ୍ରଭାବିତ କରେ।
ପର୍ଯ୍ୟାପ୍ତ ନିଦର ଅଭାବ: ଅତି କମରେ ୭ଘଣ୍ଟା ଭଲରେ ନ ଶୋଇ ପାରିଲେ ମସ୍ତିଷ୍କକୁ ଆରାମ ମିଳେନାହିଁ। ତେଣୁ ଧୀରେଧୀରେ ଏହାର କାର୍ଯ୍ୟଦକ୍ଷତା କମ୍ ହୋଇଯାଏ।
ନିଃସଙ୍ଗତା: ଅଧିକାଂଶ ସମୟରେ ଏକାକୀ ରହିବା ମଧ୍ୟ ମସ୍ତିଷ୍କ ପାଇଁ କ୍ଷତିକାରକ। ଏହା ଆଲଜାଇମର ହେବାର ଆଶଙ୍କା ବଢାଏ।
ଜଙ୍କଫୁଡ୍ ଅଧିକ ଖାଇବା: ଏଥିରେ ସୋଡିୟମ ପ୍ରଚୁର ପରିମାଣରେ ଥାଏ ଯାହା ମସ୍ତିଷ୍କର ନ୍ୟୁରନ୍ ରିସେପ୍ଟରଗୁଡିକ ଲାଗି କ୍ଷତିକାରକ। ଅତ୍ୟଧିକ ଜଙ୍କଫୁଡ ଖାଇଲେ ବିଭ୍ରାନ୍ତି, ମୁଣ୍ଡବ୍ୟଥା, ବାନ୍ତି ହେବା ପରି ସମସ୍ୟା ଦେଖାଯାଏ।
ଜୋର୍ ଗୀତ ଶୁଣିବା: କ୍ରମାଗତ ଭାବେ ଘଣ୍ଟାଧିକ କାଳ ହେଡ୍ ଫୋନ୍ କିମ୍ବା ଇୟର ଫୋନ୍ ଲଗାଇ ଜୋର୍ ଶବ୍ଦରେ ଗୀତ ଶୁଣିବା ମଧ୍ୟ ମସ୍ତିଷ୍କର କୋଷ ପ୍ରତି କ୍ଷତିକାରକ। ଏହା ମଧ୍ୟ ଆଲଝିମର ରୋଗର କାରଣ ହୋଇପାରେ।
ଅଳସୁଆମି: ନିୟମିତ ଭାବେ କୌଣସି ପ୍ରକାର ଶାରୀରିକ କାର୍ଯ୍ୟ ନକରିବା ଦ୍ୱାରା ଡାଇବେଟିସ୍, ହୃଦରୋଗ ତଥା ଉଚ୍ଚ ରକ୍ତଚାପ ଭଳି ସମସ୍ୟା ବଢିଯାଏ। ଏହା ମଧ୍ୟ ମସ୍ତିଷ୍କ ଉପରେ ନକାରାତ୍ମକ ପ୍ରଭାବ ପକାଇଥାଏ।
ଧୂମପାନ: ଏହା କରିବା ଦ୍ୱାରା ଶରୀରରେ ଏକାଧିକ କ୍ଷତିକାରକ ରସାୟନ କ୍ଷରଣ ହୋଇଥାଏ ଯାହା ରକ୍ତକୁ ବହଳିଆ କରିଦିଏ। ତେଣୁ ମସ୍ତିଷ୍କ ପର୍ଯ୍ୟନ୍ତ ଠିକ୍ ଭାବେ ରକ୍ତଯୋଗାଣ ହୋଇନପାରି କ୍ଷତି କରେ।
Comments are closed.