ଭୁବନେଶ୍ୱର : ଅଂଶୁଘାତ ପାଇଁ କ୍ୟାପିଟାଲ ହସ୍ପିଟାଲରେ ପଦକ୍ଷେପ ଗ୍ରହଣ କରାଯାଇଛି। ନିକଟରେ ଡିଆରଡିଏରେ ବୈଠକ ହୋଇଥିବାବେଳେ ଡାକ୍ତରଙ୍କୁ ସଚେତନ ରହିବାକୁ ପରାମର୍ଶ ଦିଆଯାଇଛି। ଏହାଛଡ଼ା ପୂର୍ବରୁ ୧୦ ଶଯ୍ୟାର ଏକ ୱାର୍ଡ ସଂରକ୍ଷିତ ଥିବାବେଳେ ଏହାକୁ କାର୍ଯ୍ୟକ୍ଷମ କରାଯାଇ ଅଂଶୁଘାତ ୱାର୍ଡ କରାଯାଇଛି। ସେହିପରି ଅଧିକରୁ ଅଧିକ ସାଲାଇନ ଏବଂ ଓଆରଏସ୍ ରଖିବାକୁ ପରାମର୍ଶ ଦିଆଯାଇଛି।
ଅଂଶୁଘାତଜନିତ ରୋଗୀ ପ୍ରଥମେ ଆଶୁଚିକିତ୍ସା କେନ୍ଦ୍ରରେ ପ୍ରାଥମିକ ଚିକିତ୍ସା ପରେ ସୁସ୍ଥ ହେବା ପର୍ଯ୍ୟନ୍ତ ୱାର୍ଡରେ ରହିବେ। ଅନ୍ୟପକ୍ଷରେ ଯଦି ଅଂଶୁଘାତରେ ରୋଗୀ ଗୁରୁତର ହୁଅନ୍ତି ବା ସେମାନଙ୍କ ମୃତ୍ୟୁ ହୁଏ ତେବେ ସମ୍ପୃକ୍ତ ବ୍ୟକ୍ତିଙ୍କ ସମସ୍ତ ତଥ୍ୟ ସିଡିଏମ୍ଙ୍କୁ ଦିଆଯିବ। ଏନେଇ ଏକ କମିଟି ଗଠନ କରାଯାଇ ଯାଞ୍ଚ୍ କରାଯିବ ବୋଲି ସୂଚନା ମିଳିଛି। ଏହାଛଡ଼ା ପ୍ରତି ୱାର୍ଡରେ ରହିଥିବା ବିଜୁଳି ବ୍ୟବସ୍ଥାକୁ ଗୁରୁତ୍ବ ଦିଆଯାଇ ପଙ୍ଖା, ଏସି ଏବଂ ରହିଥିବା ପାଣି ଟ୍ୟାପ୍କୁ ତଦାରଖ କରାଯିବ। ଯେଉଁଠି ତ୍ରୁଟି ଥିବ ତାହାକୁ ମରାମତି କରାଯିବ।
କ୍ୟାପିଟାଲ ହସ୍ପିଟାଲ : ଅଂଶୁଘାତ ମୃତ୍ୟୁ ଯାଞ୍ଚ ପାଇଁ କମିଟି
Popular Categories
Previous article
Next article