ନୂଆଦିଲ୍ଲୀ : ବିଶ୍ୱ ବାଣିଜ୍ୟ କ୍ଷେତ୍ରରେ ଆମେରିକାର ଏକଚାଟିଆ କାରବାର ରୋକିବାକୁ ଚୀନ ଏବେ ଭାରତର ସହଯୋଗ ଲୋଡିଛି। ବୁଧବାର ନୂଆଦିଲ୍ଲୀସ୍ଥିତ ଚୀନ ଦୂତାବାସ ମୁଖପାତ୍ର ଜି ରୋଙ୍ଗ କହିଛନ୍ତି ଯେ ଭାରତ ଓ ଚୀନ ବିଶ୍ୱର ଦୁଇ ପ୍ରମୁଖ ବିକାଶଶୀଳ ରାଷ୍ଟ୍ର। ବିଶ୍ୱ ବଜାରର ଅର୍ଦ୍ଧାଧିକ ଏହି ଦୁଇଦେଶ ପାଖରେ ରହିଥିବାବେଳେ ଆମେରିକା ଆଧିପତ୍ୟ ବିସ୍ତାର କରିବା ଠିକ୍ ନୁହେଁ। ତେଣୁ ଆମେରିକାର ଆଧିପତ୍ୟକୁ ନିୟନ୍ତ୍ରଣ କରିବା ପାଇଁ ଦୁଇଦେଶ ମିଳିତ ଭାବେ କାମ କରିବା ଦରକାର। ଆମେରିକା ସହିତ ଚୀନର ବାଣିଜ୍ୟିକ ଯୁଦ୍ଧ ଲାଗି ରହିଥିବାବେଳେ ଏହା ଭାରତର ସହଯୋଗ ଲୋଡିଛି। ଆମେରିକା ସହିତ ଭାରତର ମଧ୍ୟ ବାଣିଜ୍ୟିକ ତିକ୍ତତା ରହିଛି; ମାତ୍ର ନୂଆଦିଲ୍ଲୀ ଏ କ୍ଷେତ୍ରରେ ଅନ୍ୟ କୌଣସି ଦେଶର ସହଯୋଗ ଲୋଡି ନାହିଁ। ନିକଟରେ ଆମେରିକା ସରକାର ଚୀନରୁ ଆମଦାନୀ ସାମଗ୍ରୀ ଉପରେ ୨୦୦ ବିଲିୟନ ଡଲାରର ଟିକସ ଧାର୍ଯ୍ୟ କରିଛନ୍ତି।
Popular Categories
Previous article
Next article