କରୋନା ପାଇଁ ବିଭିନ୍ନ କମ୍ପାନୀ ତାର କର୍ମଚାରୀ ମାନଙ୍କୁ ଛୁଟି ଦେଇଥଇବା ବେଳେ ସେମାନଙ୍କୁ ଘରେ ରହି କାମ କରିବାକୁ ପରାମର୍ଶ ଦିଆଯାଇଛି। ଘରେ ବସି କାମ କଲାବେଳେ ସାଧାରଣତଃ ଇଣ୍ଟେରନେଟର ଆବଶ୍ୟାକତା ରହିଥାଏ। ଏହାକୁ ନଜରରେ ରଖି ଭାରତ ସଞ୍ଚାର ନିଗମ ଲିମିଟେଡ୍ ( ବିଏସଏନଏଲ୍ ) ଘରେ ବସି ଅଫିସ କାର୍ଯ୍ୟକରୁଥିବା ବ୍ୟକ୍ତିଙ୍କ ପାଇଁ ଭଲ ଯୋଜନା ଆଣିଛି। ଏହି ପ୍ରିପେଡ୍ ଯୋଜନାଗୁଡିକ ହେଲା –
୧- ବିଏସଏନଏଲର ୯୬ ଟଙ୍କା ପ୍ଲାନ: ବିଏସଏନଏଲ୍ର ଏହି ଯୋଜନାରେ ଉପଭୋକ୍ତାମାନେ ପ୍ରତିଦିନ ୧୦ ଜିବି ଡାଟା ପାଇବେ। ତେବେ ଏହି ଯୋଜନାରେ କମ୍ପାନୀ ସେମାନଙ୍କୁ କଲିଂ ଏବଂ ଏସଏମଏସର ସୁବିଧା ଦେବ ନାହିଁ। ଏହି ପ୍ୟାକର ବୈଧତା ୨୮ ଦିନ ରହିଛି।
୨- ବିଏସଏନଏଲର୧୦୮ ଟଙ୍କା ପ୍ଲାନ: ଏହି ଯୋଜନାରେ ବିଏସଏନଏଲ୍ ବ୍ୟବହାର କାରୀମାନେ ପ୍ରତିଦିନ ୧ଜିବି ଡାଟା ଏବଂ ୫୦୦ ଏସଏମଏସ ପାଇବେ । ଏଥିସହ, ଯୋକୌଣସି ନେଟୱାର୍କରେ (ଦିଲ୍ଲୀ ଏବଂ ମୁମ୍ବାଇ ସର୍କଲ ସମେତ) କଲ୍ କରିବାକୁ କମ୍ପାନୀ ଉପଭୋକ୍ତାମାନଙ୍କୁ ୨୫୦ ମିନିଟ୍ ଦେଇଛି। ଏହି ପ୍ୟାକର ବୈଧତା ୨୮ ଦିନ ଅଟେ ।
୩- ବିଏସଏନଏଲର ୧୧୮ ଟଙ୍କା ପ୍ଲାନ : ଏହି ଯୋଜନାରେ ଆପଣ ପ୍ରତିଦିନ ୫୦୦ ଏମବି ଡାଟା ପାଇବେ। ଏଥିସହ କଲ୍ ପାଇଁ ୨୫୦ ମିନିଟ୍ ଓ ଦୈନିକ ୧୦୦ଟି ଏସଏମଏସ ପାଇପାରିବେ। ଏହି ପ୍ୟାକର ବୈଧତା ୨୧ ଦିନ ଅଟେ ।
୪- ବିଏସଏନଏଲର ୧୮୭ ଟଙ୍କା ପ୍ଲାନ : କମ୍ପାନୀ ଏହି ପ୍ଲାନରେ ଦୈନିକ ୩ ଜିବି ଡାଟା ସହ ପ୍ରତିଦିନ ୨୫୦ ମିନିଟର କଲ ସୁବିଧା ଦେଉଛି। ଏହି ଯୋଜନାର ବୈଧତା ୨୮ ଦିନ ଅଟେ ।
୫- ବିଏସଏନଏଲର ୨୩୬ ଟଙ୍କା ପ୍ଲାନ : ଏହି ପ୍ଲାନରେ ଗ୍ରାହକମାନେ ପ୍ରତିଦିନ ୧୦ଜିବି ଡାଟା ପାଇବେ। କିନ୍ତୁ ଏଥିରେ କୌଣସି କଲ କିମ୍ବା ଏସଏମଏସର ସୁବିଧା ଦିଆଯାଉ ନାହିଁ। ଏହାର ସମୟ ସୀମା ୮୪ ଦିନ ରହିଛି।
