ଚୌଦ୍ୱାର : ଟାଙ୍ଗୀ-ଚୌଦ୍ୱାର କ୍ରୀଡା ସଂସଦ ଓ ବିବେକାନନ୍ଦ ସୋସିଆଲ ଡେଭଲପମେଣ୍ଟ ସଂଗଠନର ମିଳିତ ଆନୁକୁଲ୍ୟରେ ଆୟୋଜିତ ୪ର୍ଥ ଟାଙ୍ଗୀ-ଚୌଦ୍ୱାର ବ୍ଲକ୍ ସ୍ତରୀୟ ଖେଳକୁଦ ପ୍ରତିଯୋଗିତା ଉଦଯାପିତ ହୋଇଯାଇଛି । ଉଦଯାପନୀ ଉତ୍ସବରେ ଧାବିକାରାଣୀ ଦୁତୀ ଚାନ୍ଦ, ସମାଜସେବୀ ଦିଲିପ ଛତାର ଓ ନଗର ବିଜେଡି ସଭାପତି ବିଷ୍ନୁଚରଣ ପରିଡା ପ୍ରମୁଖ ଯୋଗଦେଇ ବିଜୟୀ ପ୍ରତିଯୋଗୀଙ୍କୁ ପୁରସ୍କାର ବିତରଣ କରିଥିଲେ। ଏହି ଆଥଲେଟିକ ମିଟରେ ଅଞ୍ଚଳର ପ୍ରାୟ ୫୦୦ ଯୁବତୀ-ଯୁବକ ଅଂଶ ଗ୍ରହଣ କରିଥିବାବେଳେ ୧୨ଟି ବିଭାଗ ଖେଳରେ ୨୭୬ଜଣକୁ ପୁରସ୍କୃତ କରାଯାଇଥିବା ବିବେକାନନ୍ଦ ସଂଗଠନ ସଂପାଦକ ଭୀମସେନ ବିଶ୍ୱାଳସୂଚନା ଦେଇଛନ୍ତି । ବ୍ଲକ ଅଥଲେଟିକ ସଂସଦର କାର୍ଯ୍ୟକାରୀ ସଭାପତି କୈଳାସ ଚନ୍ଦ୍ର ବରାଳଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ସୋସିଆଲ ଡେଭଲପମେଣ୍ଟର ସଂପାଦକ ବିଜୟ କୁମାର ସାହୁ ଅତିଥି ପରିଚୟ ପ୍ରଦାନ କରିଥିବା ବେଳେ ଅଶ୍ୱିନୀ କୁମାର ଜେନା ସ୍ୱାଗତ ଭାଷଣ ପ୍ରଦାନ କରିଥିଲେ । ସଂଗଠନର ସଭାପତି ଭାସ୍କର ଚନ୍ଦ୍ର ରାଉତରାୟ ପରିଚାଳନା କରିଥିଲେ। ମାନସ କୁମାର ପରିଡା, ପ୍ରଶନ୍ନ ସାହୁ, କାହ୍ନୁ ଚରଣ ଜେନା, ଅନୀଲ ମହାନ୍ତି,ମାନସ ରଞ୍ଜନ ଖୁଣ୍ଟିଆ,ସୁରେଶ ରାଉତରାୟ,ନିରଞ୍ଜନ ସାହୁ,ସୁଜିତ ଦାସ,ମୋହନ ବେହେରା,ଭାସ୍କର ପ୍ରସାଦ ମହାପାତ୍ର,ଉମେଶ ରାଉତରାୟ,ପ୍ରଭାତୀ ଜେନା, ଶ୍ରୀକାନ୍ତ ପାକଳ, ଭୈରବ ମହାନ୍ତି, ରିଆଜ ଅଲ୍ଲୀ ସାହା ପ୍ରମୁଖ ଖେଳ ପରିଚାଳନା କରିଥିଲେ।
Popular Categories
Previous article
Next article