ନବରଙ୍ଗପୁର : ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ସାଧାରଣ ସମ୍ପାଦକ ତଥା ଓଡିଶା ପ୍ରଭାରୀ ସୁନୀଲ ବଂସଲ ପ୍ରଥମଥର ପାଇଁ ନବରଙ୍ଗପୁର ଲୋକସଭା ପ୍ରବାସ ଯୋଜନା ଗସ୍ତରେ ଆସି ନବରଙ୍ଗପୁରରେ ପହଞ୍ଚିଥିଲେ। ଏହି ଅବସରରେ ସର୍କିଟ ହାଉସରେ ଲୋକସଭା ନିର୍ବାଚନ ମଣ୍ଡଳୀର ଦଳୀୟ କାର୍ଯ୍ୟକତ୍ତାେଙ୍କ ବୈଠକରେ ଯୋଗ ଦେଇଥିଲେ। ସେ ସମସ୍ତ ବୁଥ କମିଟି ଗଠନ କରିବାକୁ କହିଥିଲେ। ବୁଥ କମିଟି, ମଣ୍ଡଳ କମିଟି ଓ ଶକ୍ତି କେନ୍ଦ୍ରର କାର୍ଯ୍ୟକର୍ତ୍ତାମ।ନେ ରାଜ୍ୟ ସରକାରର ବିଫଳତା ଓ କେନ୍ଦ୍ର ସରକାରର ସଫଳତାକୁ ନେଇ ଭୋଟରଙ୍କ ନିକଟରେ ପହଞ୍ଚିବାକୁ ପରାମର୍ଶ ଦେଇଥିଲେ। ସେ ଭିନ୍ନ ଭିନ୍ନ ଭ।ବେ ନବରଙ୍ଗପୁର ଲୋକସଭା ଅନ୍ତର୍ଗତ ୭ଟି ବିଧାନସଭା ନିର୍ବାଚନ ମଣ୍ଡଳୀର ସଙ୍ଗଠନ କାର୍ଯ୍ୟର ସମୀକ୍ଷା କରିଥିଲେ। ଯେଉଁ ବୁଥ କମିଟି ଗଠନ ହୋଇନାହିଁ ତାହା ଏକ ମାସ ଭିତରେ ସାରିବାକୁ ପରାମର୍ଶ ଦେଇଥିଲେ । ଏଥିରେ ନବରଙ୍ଗପୁର, ଉମରକୋଟ, ଡାବୁଗାଁ, ଝରିଗାଁ, କୋଟପ।ଡ଼, ମାଲକାନଗିରି ଓ ଚିତ୍ରକୋଣ୍ଡା ବିଧ।ନସଭା ନିର୍ବାଚନ ମଣ୍ଡଳୀର ସମୀକ୍ଷା କରିଥିଲେ । ବିଜେପି ରାଜ୍ୟ ସଂଗଠନ ସମ୍ପାଦକ ମାନସ ମହାନ୍ତି , ରାଜ୍ୟ ଉପସଭାପତି ବଳଭଦ୍ର ମାଝୀ, ପୂର୍ବତନ ସାଂସଦ ପର୍ଶୁରାମ ମାଝୀ, ନବରଙ୍ଗପୁର ଜିଲା ସଭାପତି ଜଗଦୀଶ ବିଷୋୟୀ, କୋରାପୁଟ ଜିଲା ସଭାପତି ସୁମନ୍ତ ପ୍ରଧାନ, ମାଲକାନଗିରି ଜିଲା ସଭାପତି ନିମାଇଁ ପାଲ, ଲୋକସଭା ପ୍ରଭାରୀ ମୋନିଞ୍ଜର ଆଚାର୍ଯ୍ୟ, ଲୋକସଭ। ସଂଯୋଜକ ରାମେଶ୍ୱର ଜେନା, ଉମରକୋଟ ବିଧାୟକ ନିତ୍ୟାନନ୍ଦ ଗଣ୍ଡ, ମାଲକାନଗିରି ବିଧାୟକ ଆଦିତ୍ୟ ମାଢୀଙ୍କ ସମେତ ଲୋକସଭା ଓ ବିଧାନସଭା ସଞ୍ଚାଳନ ସମିତିର କାର୍ଯ୍ୟକର୍ତ୍ତା ଯୋଗଦେଇଥିଲେ। ପରେ ରାତ୍ର ୮ ଟାରେ ଶ୍ରୀ ବଂସଲ ଝାରସୁଗୁଡା ଅଭିମୁଖେ ଯାତ୍ରା କରିଥିଲେ।
Popular Categories
Previous article
Next article