ପାଟଣା: ଆଜି ପୂର୍ବାହ୍ନରେ ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତି ମହେଶ୍ଵର ସାହୁଙ୍କ ନେତୃତ୍ବରେ ଏକ ପ୍ରତନିଧି ଦଳ କେନ୍ଦୁଝର ଜିଲ୍ଲା ପାଟଣା ବ୍ଲକର କେନ୍ଦେଇପଶି ଧାନ ମଣ୍ଡି ପରିଦର୍ଶନ କରିଛନ୍ତି। ଧାନମଣ୍ଡି ପରିଦର୍ଶନ ସମୟରେ ଧାନମଣ୍ଡିରେ ମିଲର ମାନଙ୍କର ମନମାନୀ ଓ ଦାଦାଗିରି ଚାଲିଥିବାର ଚାଷୀମାନେ ଅଭିଯୋଗ କରିଥିଲେ। ଧାନ କୁଇଣ୍ଟାଲ ପ୍ରତି ୫ କିଲୋରୁ ୭ କିଲୋ କଟନି ଛଟନି କରୁଥିବା ଓ ଚାଷୀ ମାନଙ୍କୁ ବସ୍ତା ଦିଆଯାଉନଥିବା ଚାଷୀ ମାନେ ବିଜେପି ପ୍ରତିନିଧି ଦଳଙ୍କ ନିକଟରେ ଅଭିଯୋଗ କରିଥିଲେ।
ଏନେଇ କେନ୍ଦୁଝର ଜିଲ୍ଲାରେ ଧାନ କଟନି ଛଟନି ବନ୍ଦ କରିବା ସହିତ ମିଲର ମାନଙ୍କର ଦାଦାଗିରି ବନ୍ଦ କରାଯିବା ପାଇଁ କୃଷକ ମୋର୍ଚ୍ଚା ରାଜ୍ୟ ସଭାପତି ମହେଶ୍ଵର ସାହୁ ଦାବି କରିଛନ୍ତି। ନହେଲେ ଆଗାମୀ ଦିନରେ ବିଜେପି କୃଷକ ମୋର୍ଚ୍ଚା ତରଫରୁ ବ୍ୟାପକ ଆନ୍ଦୋଳନ କରାଯିବ ବୋଲି ସାହୁ ରାଜ୍ୟ ସରକାର ଓ ଜିଲ୍ଲା ପ୍ରଶାସନକୁ ଚରମବାଣୀ ଶୁଣାଇଛନ୍ତି। ଏହି ଧାନମଣ୍ଡି ଚାଲ ଅଭିଯାନରେ ବିଜେପି କୃଷକ ମୋର୍ଚ୍ଚା ରାଜ୍ୟ ସଭାପତିଙ୍କ ସହ ରାଜ୍ୟ କାର୍ଯ୍ୟାକାରିଣୀ ସଦସ୍ୟ ସତ୍ୟବ୍ରତ ନାୟକ , ଅଖିଳ ଚନ୍ଦ୍ର ନାୟକ, ଚତୁର୍ଭୁଜ ମହାନ୍ତ, ବିପିନ ମହାନ୍ତ, ମିତ୍ରଭାନୁ ନାୟକ, ଗୋଲକ ବିହାରୀ ନାୟକ, ହାଡିବନ୍ଧୁ ନାୟକ ପ୍ରମୁଖଙ୍କ ସମେତ ବହୁ ନେତୃବୃନ୍ଦ ସାମିଲ ହୋଇଥିଲେ।
Comments are closed.